ءمولدىر جاڭبىرباي – XII دۇنيەجۇزىلىك ويىنداردىڭ كۇمىس مەداليسى!

قىتايدىڭ چەندۋ قالاسىندا ءوتىپ جاتقان XII دۇنيەجۇزىلىك ويىنداردا كاراتەدەن ءبىرىنشى جارىس كۇنى قازاقستان قورجىنىنا العاشقى كۇمىس مەدال ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

كۋميتە باعدارلاماسىندا 50 كگ دەيىنگى سالماقتا الەم چەمپيونى ءمولدىر جاڭبىرباي 4 جىلدا ءبىر وتەتىن ايتۋلى دودانىڭ فينالىنا دەيىن جەتتى.

ول فينالدا يران سپورتشىسى سارا باحمانيەرمەن كۇش سىناستى. نەگىزگى ۋاقىت 0:0 ەسەبىمەن تەڭ اياقتالدى. حانتەي ناتيجەسىندە (تورەشىلەردىڭ جاسىرىن داۋىس بەرۋى) جەڭىس سارا باحمانيەرگە بۇيىردى، — دەلىنگەن حابارلامادا.

ءمولدىر جاڭبىربايدىڭ جارىس جولىنداعى قارسىلاستارى:

سيليا ۋيكەن (الجير، 21 جاسقا دەيىنگى الەم چەمپيونى) — 4:0

يورگەليس سالازار (ۆەنەسۋەلا، 2022 جىلعى دۇنيەجۇزىلىك ويىندارىنىڭ كۇمىس جۇلدەگەرى، الەم چەمپيوناتىنىڭ قولا جۇلدەگەرى) — 3:0

جۋنحۋي ۆانگ (قىتاي) — 0:1

ەندى ەرتەڭ جارىس جولىنا سوفيا بەرۋلتسەۆا (+68 كەلى)، اسەل قاناي (61 كەلى)، نۇرقانات اجىقانوۆ (75 كەلى) شىعادى.