Móldir Jańbyrbaı – XII Dúnıejúzilik oıyndardyń kúmis medalısi!

Qytaıdyń Chendý qalasynda ótip jatqan XII Dúnıejúzilik oıyndarda karateden birinshi jarys kúni Qazaqstan qorjynyna alǵashqy kúmis medal tústi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Kýmıte baǵdarlamasynda 50 kg deıingi salmaqta álem chempıony Móldir Jańbyrbaı 4 jylda bir ótetin aıtýly dodanyń fınalyna deıin jetti.

Ol fınalda Iran sportshysy Sara Bahmanıermen kúsh synasty. Negizgi ýaqyt 0:0 esebimen teń aıaqtaldy. Hanteı nátıjesinde (tóreshilerdiń jasyryn daýys berýi) jeńis Sara Bahmanıerge buıyrdy, — delingen habarlamada.

Móldir Jańbyrbaıdyń jarys jolyndaǵy qarsylastary:

Sılııa Ýıken (Aljır, 21 jasqa deıingi álem chempıony) — 4:0

Iorgelıs Salazar (Venesýela, 2022 jylǵy Dúnıejúzilik oıyndarynyń kúmis júldegeri, álem chempıonatynyń qola júldegeri) — 3:0

Jýnhýı Vang (Qytaı) — 0:1

Endi erteń jarys jolyna Sofıa Berýleva (+68 keli), Ásel Qanaı (61 keli), Nurqanat Ájiqanov (75 keli) shyǵady.