Cranberry Cup International: Софья Самоделкина екінші орыннан көрінді

АҚШ-тың Норвуд қаласында мәнерлеп сырғанаудан өтіп жатқан Cranberry Cup International 2025 атты Челленджер сериясындағы халықаралық турнирінде Софья Самоделкина қысқа бағдарламада 65.80 ұпай жинап, 20 спортшы қатысқан сында екінші орын алды.

Бүгін Софья Самоделкина еркін бағдарламада сынға түседі. Әйелдер арасындағы жарыс Астана уақытымен сағат 18:00-де басталады.

Жалпы, бұл жарысқа 20 елден 99 спортшы қатысып жатыр. Осыған дейін Софья Самоделкина 2026 жылы Милан қаласында өтетін қысқы Олимпиадаға лицензия иеленген.

Дастан КЕНЖАЛИН,

АСТАНА