Ulbosyn Ádilova — XII Dúnıejúzilik oıyndarynyń chempıony!

Qytaıdyń Chendý qalasynda XII Dúnıejúzilik oıyndaryndaǵy jaýyngerlik sambodan jekpe-jekter aıaqtaldy.

Bul synda Qazaqstan qorjynyna 1 altyn, 3 kúmis medal tústi. Jalqy altyn júldeni 80 kelide kúsh synasqan Ulbosyn Ádilova jeńip aldy. Ol fınalda 2024 jylǵy álem chempıonatynyń kúmis júldegeri Mavlýda Abdýllaevaǵa qylqyndyrý ádisin qoldanyp, jeńiske jetti.

Ulbosyn Ádilova ½ fınalda fılıppındik Iap Eıselın Agnesti 2:0, ¼ fınalda meksıkalyq Nensı Ernandesti taza jeńdi.

Bul — Dúnıejúzilik oıyndarynyń ekinshi altyn medali. Buǵan deıin djıý-djıtsýdan faıtıng bólimi boıynsha Jánibek Ábý-Bákir chempıon atanǵan bolatyn.

Maratbek Rahmetollın kúmis medal aldy

Jaýyngerlik sambodan Maratbek Rahmetollın de kúmis medal ıesi atandy. Ol 64 kelide 7 dúrkin álem chempıony, beıtarap sportshy Sheıh- Mansýr Habıbýllaǵa ese jiberip، kúmis júldeni qanaǵat tutty.

Otandasymyz jartylaı fınalda azýly qarsylasy Saıaq Barakanov  4:2 esebimen, shırek fınalda Lýkas Boregalesti aýyrtý ádisimen jeńdi.

Sonymen birge، Qazaqstannyń erler quramasy men áıelder qurama komandasy XII Dúnıejúzilik oıyndarynyń kúmis júldegeri atandy.

Qazaqstan erler quramasy fınalda Ýkraına sportshylaryna 0:2 esebimen jeńildi. Al، áıelder quramasy fınalda О́zbekstanǵa 0:3 esebimen ese jiberdi. Osylaısha, Qazaqstan sportshylary 32 jyldan keıin Dúnıejúzilik oıyndar baǵdarlamasyna qaıta engen jaýyngerlik sambodan jekpe-jekterdi 1 altyn, 3 kúmis medalmen aıaqtady.

Bul sport túri 1993 jyldan keıin Dúnıejúzilik oıyndardyń baǵdarlamasyna qaıta engizildi.

Dúnıejúzilik oıyndarynyń tarıhynda otandastarymyz 1993 jyly 1 altyn, 1 kúmis, 1 qola medal jeńip alǵan bolatyn.

Cporttyq quzǵa órmeleýden Rıshad Haıbýllın qola júldeger atandy

Cporttyq quzǵa órmeleýden jyldamdyq (Speed 4) saıysynda Rıshad Haıbýllın qola medal aldy.

Dúnıejúzilik oıyndarynyń baǵdarlamasyna engizilgen sporttyq quzǵa órmeleýden otandastarymyz alǵash ret júldegerler qataryna endi.

Buǵan deıin 2022 jyly AQSh-tyń Bırmengem qalasynda ótken Dúnıejúzilik oıyndarynda jyldamdyq saıysy boıynsha altynshy oryndy ıelengen edi.

Endi erteń Rıshad Haıbýllın, Ámir Maımuratov, Damır Toqtarov, Beknur Altynbekov bastaǵan qazaqstandyq sportshylar komandalyq estafetada synǵa túsedi.

Qazirge deıin Qazaqstan quramasy 2 altyn, 5 kúmis, 3 qola medal aldy.

Dastan KENJALIN,

ASTANA