Mergender Azııa chempıonatynda 9 medal jeńip aldy

16–30 tamyz aralyǵynda Shymkent qalasynda nysana kózdeý sportynan ótip jatqan XVI Azııa chempıonatynda Qazaqstan quramasy sátti óner kórsetip jatyr. Qazir ulttyq qurama komanda 9 medaldi atap aıtqanda, 2 altyn, 1 kúmis jáne 6 qola júldeni jeńip aldy.

Elimizge alǵashqy altyndy Islam Satpaev syılady. 10 metrlik pnevmatıkalyq vıntovka jattyǵýynyń fınalynda Almaty qalasynyń ókili, Parıj-2024 Olımpıadasynyń qola júldegeri qytaılyq jáne koreıalyq qarsylastaryn artta qaldyryp, Azııa chempıony atandy.

Jasóspirimder arasyndaǵy «skıt» jattyǵýynda taǵy bir almatylyq sportshy Artıom Sedelnıkov altyn medal ıegeri atandy. Ol fınalda upaı sany boıynsha Úndistan sportshylaryn artta qaldyrdy.

Buǵan deıin áıelder arasyndaǵy «skıt» jattyǵýynda Anastasııa Molchanova qola júlde alsa, komandalyq esepte Olga Haılova, Adel Sadaqbaeva men Anastasııa Molchanova kúmis júldeni ıelendi.

PP-3 jattyǵýynda jasóspirimder komandasy (Kırıll Fedkın, Ramazan Yntyqbaı, Kırıll ýkanov) qola júldege ıe boldy. Dál osy jattyǵýda jasóspirim qyzdar qurama komandasy (Sáýle Álimbek, Krıstına Ýstınova, Asylym Jaqııa) qola júldeger atandy. Sondaı-aq jastar arasyndaǵy komandalyq PP-3 jattyǵýynda Kıra Vladımırova, Alısa Kradenova men Sofıa Jýkova qola medal jeńip aldy.

Sonymen qatar, PP-mıks jattyǵýynda jasóspirimder juby Kırıll Fedkın men Sáýle Álimbek el qorjynyna taǵy bir qola júlde qosty. Osy jattyǵýda uldar arasynda Danııl Smırnov pen Alısa Kradenova da qola medal ıelendi.

Aıta keteıik, chempıonatqa 27 elden 800-den astam sportshy qatysýda. Azııa chempıonatynda 700-den astam medal sarapqa salynady.

Jarysty Qazaqstan nysana kózdeý federaııasy Týrızm jáne sport mınıstrliginiń qoldaýymen ótkizip jatyr.