قازاقستان قۇراماسىنىڭ ۋەلسپەن جانە بەلگيامەن ماتچتارعا ويىنشىلارىنىڭ سوڭعى ءتىزىمى

فۋتبولدان قازاقستان ۇلتتىق قۇراماسىنىڭ باس جاتتىقتىرۋشىسى ءالي اليەۆ قىركۇيەك ايىندا بولاتىن ۋەلسپەن جانە بەلگيامەن ماتچتارعا شاقىرىلعان ويىنشىلاردىڭ سوڭعى ءتىزىمىن جاريالادى، دەپ حابارلادى قازاقستان فۋتبول فەدەراتسياسى.

قاقپاشىلار: مۇحاممەدجان سەيسەن («استانا»)، تەمىرلان اناربەكوۆ («قايرات»)، بەكحان شايزادا («ورداباسى»);

قورعاۋشىلار: الىبەك قاسىم، («اقتوبە»)، يان ۆوروگوۆسكي («استانا»)، نۇرالى ءالىپ («زەنيت»، رەسەي)، ناۋرىزبەك جاگوروۆ («توبىل»)، ەركىن تاپالوۆ («قايرات»)، سەرگەي مالىي، ۇلار جاكسىباەۆ، سۇلتانبەك استانوۆ ء(بارى – «ورداباسى»);

جارتىلاي قورعاۋشىلار: يسلام چەسنوكوۆ («توبىل»)، باكتيەر زاينۋتدينوۆ («دينامو ماسكەۋ»، رەسەي)، رامازان ورازوۆ، الماس ءتولىباي، عالىمجان كەنجەبەك ء(بارى – «ەلىماي»)، داۋرەن جۇمات، سەرىكجان مۋجيكوۆ (ەكەۋى دە – «وقجەتپەس»)، دىنمۇحامەد قارامان («جەڭىس»)، باعدات قايىروۆ («اقتوبە»)، دامير قاسابۋلات («قايرات»);

شابۋىلشىلار: ورالحان ومىرتاەۆ («اقتوبە»)، ماكسيم سامورودوۆ («احمات»، رەسەي)، داستان ساتپاەۆ («قايرات»)، يۆان سۆيريدوۆ («ەلىماي»).

ۇلتتىق قۇرامانىڭ وقۋ-جاتتىعۋ جيىنى 29 تامىزدا استاندا باستالادى.

قازاقستان قۇراماسى قىركۇيەكتە ەكى رەت وينايدى. 4 قىركۇيەكتە استانادا ۋەلس قۇراماسىمەن، 7 قىركۇيەكتە سىرت الاڭدا بەلگيامەن وينايدى. ەكى ماتچ تا 2026 جىلعى الەم چەمپيوناتىنىڭ ىرىكتەۋ كەزەڭى اياسىندا بولادى.

ۋەلسپەن ويىن «استانا ارەنادا» قازاقستان ۋاقىتىمەن 19:00-دە باستالادى. بيلەتتەر Ticketon.kz سايتىندا ساتىلىپ جاتىر.