Қазақстан құрамасының Уэльспен және Бельгиямен матчтарға ойыншыларының соңғы тізімі

Футболдан Қазақстан ұлттық құрамасының бас жаттықтырушысы Әли Әлиев қыркүйек айында болатын Уэльспен және Бельгиямен матчтарға шақырылған ойыншылардың соңғы тізімін жариялады, деп хабарлады Қазақстан футбол федерациясы.

Қақпашылар: Мұхаммеджан Сейсен («Астана»), Темірлан Анарбеков («Қайрат»), Бекхан Шайзада («Ордабасы»);

Қорғаушылар: Әлібек Қасым, («Ақтөбе»), Ян Вороговский («Астана»), Нұралы Әліп («Зенит», Ресей), Наурызбек Жагоров («Тобыл»), Еркін Тапалов («Қайрат»), Сергей Малый, Ұлар Жаксыбаев, Сұлтанбек Астанов (бәрі – «Ордабасы»);

Жартылай қорғаушылар: Ислам Чесноков («Тобыл»), Бактиер Зайнутдинов («Динамо Мәскеу», Ресей), Рамазан Оразов, Алмас Төлібай, Ғалымжан Кенжебек (бәрі – «Елімай»), Дәурен Жұмат, Серікжан Мужиков (екеуі де – «Оқжетпес»), Дінмұхамед Қараман («Жеңіс»), Бағдат Қайыров («Ақтөбе»), Дамир Қасабулат («Қайрат»);

Шабуылшылар: Оралхан Өміртаев («Ақтөбе»), Максим Самородов («Ахмат», Ресей), Дастан Сатпаев («Қайрат»), Иван Свиридов («Елімай»).

Ұлттық құраманың оқу-жаттығу жиыны 29 тамызда Астанда басталады.

Қазақстан құрамасы қыркүйекте екі рет ойнайды. 4 қыркүйекте Астанада Уэльс құрамасымен, 7 қыркүйекте сырт алаңда Бельгиямен ойнайды. Екі матч та 2026 жылғы әлем чемпионатының іріктеу кезеңі аясында болады.

Уэльспен ойын «Астана Аренада» Қазақстан уақытымен 19:00-де басталады. Билеттер Ticketon.kz сайтында сатылып жатыр.