Sportshylar koalıııasy ÝEFA-ǵa Izraıldi uıymnan shyǵarýdy usyndy

Franııa quramasynyń jartylaı qorǵaýshy Pol Pogba men krıketshi Mýın Alıdi eseptegende 48 sportshy Izraıldi Gaza sektoryndaǵy palestınalyqtarǵa jasaǵan qylmysy úshin Eýropa fýtbol qaýymdastyǵynan shyǵaryp tastaýdy surady. Bul týraly Aljazeera agenttigi habarlady.

— Ártúrli senim-nanymnan, túrli tekten shyqqan kásipqoı sportshylar retinde biz sport ádildik, adaldyq jáne adamgershilik prınıpterin saqtalýy kerek dep sanaımyz. Biz, Athletes 4 Peace beıbitshilik qujatyna qol qoıǵandar, ÝEFA-ny Izraıldi halyqaralyq quqyqqa saı bolǵansha jáne beıbit turǵyndardy óltirýdi jáne jappaı ashtyqqa ushyratýdy toqtatqansha barlyq jarystardan dereý shettetýge shaqyramyz, — delingen «Sportshylar beıbitshilik úshin» uranymen jarııalanǵan málimdemede.

Málimdemede Izraıl Gazanyń ońtústiginde gýmanıtarlyq kómek kútip otyrǵan beıbit turǵyndarǵa shabýyly kezinde palestınalyq Pele degen atpen belgili Súleıman ál-Obeıdtiń qaza bolǵany aıtyldy. Bul aqparatty Palestına fýtbol qaýymdastyǵy jarııalady.

Rústem JUMAN,

ASTANA