سپورتشىلار كواليتسياسى ۋەفا-عا ءيزرايلدى ۇيىمنان شىعارۋدى ۇسىندى

فرانتسيا قۇراماسىنىڭ جارتىلاي قورعاۋشى پول پوگبا مەن كريكەتشى مۋين ءاليدى ەسەپتەگەندە 48 سپورتشى ءيزرايلدى گازا سەكتورىنداعى پالەستينالىقتارعا جاساعان قىلمىسى ءۇشىن ەۋروپا فۋتبول قاۋىمداستىعىنان شىعارىپ تاستاۋدى سۇرادى. بۇل تۋرالى Aljazeera اگەنتتىگى حابارلادى.

— ارتۇرلى سەنىم-نانىمنان، ءتۇرلى تەكتەن شىققان كاسىپقوي سپورتشىلار رەتىندە ءبىز سپورت ادىلدىك، ادالدىق جانە ادامگەرشىلىك پرينتسيپتەرىن ساقتالۋى كەرەك دەپ سانايمىز. ءبىز، Athletes 4 Peace بەيبىتشىلىك قۇجاتىنا قول قويعاندار، ۋەفا-نى ءيزرايلدى حالىقارالىق قۇقىققا ساي بولعانشا جانە بەيبىت تۇرعىنداردى ءولتىرۋدى جانە جاپپاي اشتىققا ۇشىراتۋدى توقتاتقانشا بارلىق جارىستاردان دەرەۋ شەتتەتۋگە شاقىرامىز، — دەلىنگەن «سپورتشىلار بەيبىتشىلىك ءۇشىن» ۇرانىمەن جاريالانعان مالىمدەمەدە.

مالىمدەمەدە يزرايل گازانىڭ وڭتۇستىگىندە گۋمانيتارلىق كومەك كۇتىپ وتىرعان بەيبىت تۇرعىندارعا شابۋىلى كەزىندە پالەستينالىق پەلە دەگەن اتپەن بەلگىلى سۇلەيمان ءال-وبەيدتىڭ قازا بولعانى ايتىلدى. بۇل اقپاراتتى پالەستينا فۋتبول قاۋىمداستىعى جاريالادى.

رۇستەم جۇمان،

استانا