III تمد ەلدەرى ويىندارى: قازاقستان قورجىنىنا سۋعا جۇزۋدەن ءتورت جۇلدە ءتۇستى

ءازەربايجاندا باستالعان تمد ەلدەرىنىڭ III ويىندارىندا سۋعا جۇزۋدەن قازاقستان قۇراماسى ءۇشىن العاشقى جارىس كۇنى ءساتتى ءوتتى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

قازاقستان سپورتشىلارى 2 كۇمىس جانە 2 قولا مەدال جەڭىپ الدى.

نازارلارىڭىزعا جۇلدەگەرلەردى ۇسىنامىز:

تايسيا كوروتكوۆا (باتتەرفلياي، 100 م) – كۇمىس مەدال;

مارگاريتا زايتسەۆا (شالقالاي ءجۇزۋ، 200 م) – كۇمىس جۇلدە;

مارگاريتا راەنكو (شالقالاي ءجۇزۋ، 200 م) – قولا مەدال;

قازاقستان قۇراماسى (ارالاس ەستافەتا 4×100 م، ەركىن ءادىس) – قولا جۇلدە;

سۋعا جۇزۋدەن جارىس گياندجا قالاسىندا بولىپ جاتىر. بارلىعى ويىندار ازەربايجاننىڭ 7 قالاسىندا قاتار بولادى.

بيىل 13 ەلدەن كەلگەن 1624 سپورتشى 23 باعدارلامادا جۇلدەگە تالاسادى. بۇگىن كەشكە گياندجا قالاسىندا ويىنداردىڭ سالتاناتتى اشىلۋى وتەدى.