III TMD elderi oıyndary: mergender qorjynǵa eki medal saldy

Ázerbaıjanda bastalǵan TMD elderiniń III oıyndarynda stend atýdan Qazaqstan quramasy eki júldeni jeńip alyp úlgerdi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Skıt jattyǵýynda aralas juptyq synda Maksım Pochıvalov pen Lıdııa Basharova juby asa tartysty ótken fınalda kúmis júldeger atandy.

Mıksten júldegerler:

1. Reseı
2. Qazaqstan
3. Ázerbaıjan

Al trap jattyǵýynda jekeleı synda Nargıza Sarmanova qola júldege ıe boldy. Ol fınalda 30 upaı jınady. Taǵy bir otandasymyz Anastasııa Prılepına 6-satyǵa turaqtady.

Trap baǵdarlamasynyń júldegerleri:

1. Alına Ahatova (Reseı)
2. Narmın Djafarova (Ázerbaıjan)
3. Nargıza Sarmanova (Qazaqstan)

Stend atýdan jarys 1 qazanda máresine jetedi. Sporttyń bul túrinen Gabala qalasynda 8 otandasymyz júldege talasyp jatyr. Olardyń qatarynda bıyl Shymkentte ótken Azııa chempıonatynda top jarǵan Angelına Sorokına, Nargıza Sarmanova syndy mergender bar.