Qazaqstan karateshileri III TMD elderi oıyndaryna qatysady

Qazaqstan karateshileri 28 qyrkúıekte Ázerbaıjanda bastalǵan TMD elderiniń III oıyndaryna qatysady, dep habarlaıdy Qazaqstan karate federaııasynyń baspasóz qyzmeti.

Oıyndar 8 qazanǵa deıin bolady. Onda barlyǵy sporttyń 23 túrinen júlde sarapqa salynady. Bul qatarda WKF karate bar.

Nazaryńyzǵa kata jáne kýmıte baǵdarlamasyndaǵy Qazaqstan quramasynyń tizimin usynamyz:

Áıelder — Aıjan Bákirova (-61 kg), Asylaı Savıdova (+68 kg), Aıshabıbi Sharahan (-55 kg), Malıka Abjanova (-50 kg), Nurııa Tizimbaı (-68 kg), Natalı Kasıkova (kata);

Erler — Shyńǵys Taılıev (-75 kg), Oljas Altynbek (-67 kg), Ǵalym Asylhan (-84 kg), Dıas Anarbekov (+84 kg), Darhan Temiralıev (-60 kg), Erdos Kenjalıev (kata).

Karateden báseke 3-4 qazan kúnderi Mıngıachevır qalasynda bolady.

Osyǵan deıin II TMD elderi oıyndary 2023 jyly Belarýs Respýblıkasynda ótken. Ol kezde karateden Qazaqstan quramasy 3 altyn, 1 kúmis júldege ıe boldy.