دارحان تەمىراليەۆ – III تمد ەلدەرى ويىندارىنىڭ جەڭىمپازى

ازەربايجاندا ءوتىپ جاتقان III تمد ەلدەرى ويىندارىندا قازاقستان قورجىنىنا تاعى ءبىر التىن مەدال ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

مينگياچەۆير قالاسىندا كاراتە باسەكەسىندە وتانداسىمىز دارحان تەمىراليەۆ — 60 كگ دەيىنگى سالماقتا توپ جاردى. سونىمەن قاتار تاعى ءۇش وتانداسىمىز جۇلدەلى ورىننان كورىندى. ولار:

ناتالي كاسيكوۆا (كاتا) – كۇمىس مەدال

ماليكا ابجانوۆا (-50 كگ) – قولا جۇلدە

ءايشابيبى شاراحان (-55 كگ) – قولا مەدال

ەرتەڭ ەكىنشى جارىس كۇنى ايجان باكىروۆا (-61 كگ)، نۇريا ءتىزىمباي (-68 كگ)، اسىلاي ساۆيدوۆا (+68 كگ)، شىڭعىس تايليەۆ (-75 كگ)، عالىم اسىلحان (-84 كگ)، دياس اناربەكوۆ (+84 كگ) سىنعا تۇسەدى.

وسىعان دەيىن II تمد ەلدەرى ويىندارى 2023 جىلى بەلارۋس رەسپۋبليكاسىنداجالاۋىن كوتەرگەن. ول كەزدە كاراتەدەن قازاقستان قۇراماسى 3 التىن، 1 كۇمىس جۇلدەگە يە بولدى. قازىر قازاقستان قۇراماسى ازەربايجانداعى كەشەندە جارىستا التىن مەدال سانىن ۇشەۋگە جەتكىزدى.