قوستانايدىڭ «توبىل» كلۋبى — فۋتبولدان قازاقستان كۋبوگىنىڭ يەگەرى!

بۇگىن قىزىلوردادا جاڭادان اشىلعان «قايسار ارەنا» ستاديونىندا فۋتبولدان قازاقستان كۋبوگى ءۇشىن «ورداباسى» (شىمكەنت) مەن «توبىل» (قوستاناي) كلۋبتارى وينادى.

بۇل ويىندا باس تورەشىسى مىندەتىن شۆەيتساريادان كەلگەن سۆەن ۆولفەنسبەرگەر اتقاردى.

ماچتا «توبىلدىڭ» ساپىندا نيكولاي سيگنەۆيچ 19-مينۋتتا ەسەپ اشسا، يسلام چەسنوكوۆ 33-مينۋتتا ەكىنشى گولدى سالدى.

وسىلايشا «توبىل» قارسىلاسىن 2:0 ەسەبىمەن جەڭىپ، قازاقستان كۋبوگىنىڭ يەگەرى اتاندى.

قازاقستان كۋبوگى ءۇشىن تۋرنير 1992 جىلدان بەرى تۇراقتى تۇردە وتكىزىلىپ كەلەدى. قازىرگە دەيىن 15 كوماندا كۋبوكتىڭ يەگەرى بولىپ وتىر. ولار:  «قايرات» (الماتى) — 10، «جەڭىس» (استانا) مەن «استانا» — 3، «توبىل» (قوستاناي)، «اقتوبە»، «قايسار» (قىزىلوردا)، «ورداباسى» (شىمكەنت) — 2، «اتىراۋ»، «ەرتىس» (پاۆلودار)، «تاراز»، «شاحتەر» (قاراعاندى)، «ۆوستوك» (وسكەمەن)، «الماتى»، «دوستىق» (الماتى)، «سپارتاك» (سەمەي) — 1 مارتەدەن كۋبوكتىڭ يەگەرى.

بيىل قازاقستان كۋبوگى ءۇشىن تۋرنيرگە پرەمەر-ليگا، ءبىرىنشى جانە ەكىنشى ليگادان بارلىعى 30 كوماندا قاتىستى. اۋەلى ءبىرىنشى جانە ەكىنشى ليگا كوماندالارى العاشقى ىرىكتەۋ كەزەڭىن وتكىزدى.

ولاردىڭ اراسىنان ىركىلمەي شىققان ەكى كلۋب 1/8 فينالدا پرەمەر-ليگا كوماندالارى قاتارىنا قوسىلدى.

كۋبوكتىڭ يەگەرى 2026 جىلى كونفەرەنتسيا ليگاسىنىڭ ەكىنشى ىرىكتەۋ كەزەڭىنە جولداما الادى.

داستان كەنجالين،

استانا