III تمد ەلدەرى ويىندارى: قازاقستان قورجىنىنا تاعى جۇلدەلەر ءتۇستى

ازەربايجاننىڭ بىرنەشە قالاسىندا III تمد ەلدەرى ويىندارىنىڭ كەزەكتى جۇلدەلەرى ساراپقا سالىنىپ جاتىر.

بۇگىن قازاقستان سپورتشىلار بادمينتون، نىسانا كوزدەۋ، سەمسەرلەسۋ مەن كۇرەس تۇرلەرىنەن باق سىناپ، جۇلدەلى ورىننان كورىندى.

نازارىڭىزعا جۇلدەگەرلەردى ۇسىنامىز:

پنەۆماتيكالىق ۆينتوۆكامەن نىسانا كوزدەۋ، 10 م:

قازاقستان قۇراماسى (الەكساندرا لە، نيكيتا شاحتورين) – كۇمىس جۇلدە

ەركىن كۇرەس: ريزا يزاحار (110 كگ) – كۇمىس مەدال

پنەۆماتيكالىق تاپانشامەن نىسانا كوزدەۋ، 10 م:

ۆالەريا پوپەلوۆا — قولا جۇلدە

ايەلدەر كۇرەسى: نۇرايىم ساياحمەت (65 كگ) — قولا مەدال

سەمسەرلەسۋدەن قازاقستان ەرلەر قۇراماسى – قولا جۇلدە

بادمينتوننان قازاقستان ەرلەر كومانداسى مۇستافا مالىكجان/ارنۇر تاپىشەۆ) – قولا مەدال

بادمينتوننان قازاقستان ايەلدەر قۇراماسى (اليسا كۋلەشوۆا/ديانا نامەنوۆا) – قولا جۇلدە

وعان دەيىن حانكەندى قالاسىندا وتكەن ساداق اتۋدان جارىستا قازاقستان سپورتشىلارى 1 التىن، 2 كۇمىس مەدال جەڭىپ الدى.

جۇلدەگەرلەر:

كلاسسيكالىق ساداق اتۋ – اناستاسيا سولودوۆنيكوۆا فينالدا ماريا تاراياروۆانى (رەسەي) 6:4 ەسەبىمەن جەڭدى

كلاسسيكالىق ساداق اتۋ – قازاقستان قۇراماسى (رايىمبەك مايقىباەۆ، اناستاسيا سولودوۆنيكوۆا) فينالدا بەلارۋس كومانداسىنا ەسە جىبەردى (4:5).

كلاسسيكالىق ساداق اتۋ – قازاقستان ەرلەر قۇراماسى (رايىمبەك مايقىباەۆ، ءاليحان تۇياق، راحىمجان قامار) فينالدا رەسەي كومانداسىنان جەڭىلدى (3:5).

رايىمبەك مايقىباەۆ جەكەلەي سىندا قولا جۇلدەگە تالاستا رەسەيلىك سپورتشىعا جول بەرىپ، ءتورتىنشى ساتىعا جايعاستى.

سپورتتىڭ بۇل تۇرىنەن قازاقستان كومانداسى ساپىندا بارلىعى 6 مەرگەن — توميريس ءابدىراشيت، ارۋجان ياحينا، اناستاسيا سولودوۆنيكوۆا، راحىمجان قامار، رايىمبەك مايقىباەۆ، ءاليحان تۇياق كەلىپ، سىنعا ءتۇستى.

ەۆلاح قالاسىندا ورنالاسقان وليمپيادا ورتالىعىندا بوكستان قىزدار اراسىنداعى فينالدار بولدى. بۇل سىندا فينالعا شىققان ەكى بوكسشىمىز قارسىلاسىن جەڭىپ، ءانۇرانىمىزدى شىرقاتتى.

-60 كگ، فينال:

جاسمين ابراميان – اينۇر يسمايلوۆا (ازەربايجان). ەسەپ: 5:0.

-66 كگ، فينال:

ديليارا تۇرسىنبەك – لۋستينا انۋفريەۆا (رەسەي). ەسەپ: 5:0.

سونىمەن قاتار تاعى 5 بىلعارى قولعاپ شەبەرىمىز قولا جۇلدەگە يە بولدى. ولار:

اسىلاي مۇرات (-48 كگ)

ارۋجان ءتىللاباي (-52 كگ)

ادەلايدا سادۆاكاسوۆا (-54 كگ)

بالىم عابيتقىزى (-57 كگ)

مادينا نۇرمانوۆا (-63 كگ)

قازاقستان كومانداسىنىڭ اعا جاتتىقتىرۋشىسى – ايبەك ءابىلدا. ەندى بۇگىن ۇلدار اراسىندا ءبىر وتانداسىمىز ەدىگە نۇرقوجا (-52 كگ) باس جۇلدەگە تالاسادى.

قازىر قازاقستان قۇراماسى ەنشىسىندە 9 التىن، 22 كۇمىس، 41 قولا مەدال بار. بۇل ازىرگە جالپىكوماندالىق ەسەپتەگى بەسىنشى ورىن.

ازەربايجانداعى ويىندار 8 قازاندا اياقتالادى.