III TMD elderi oıyndary: Qazaqstan qorjynyna taǵy júldeler tústi

Ázerbaıjannyń birneshe qalasynda III TMD elderi oıyndarynyń kezekti júldeleri sarapqa salynyp jatyr.

Búgin Qazaqstan sportshylar badmınton, nysana kózdeý, semserlesý men kúres túrlerinen baq synap, júldeli orynnan kórindi.

Nazaryńyzǵa júldegerlerdi usynamyz:

Pnevmatıkalyq vıntovkamen nysana kózdeý, 10 m:

Qazaqstan quramasy (Aleksandra Le, Nıkıta Shahtorın) – kúmis júlde

Erkin kúres: Rıza Izahar (110 kg) – kúmis medal

Pnevmatıkalyq tapanshamen nysana kózdeý, 10 m:

Valerııa Popelova — qola júlde

Áıelder kúresi: Nuraıym Saıahmet (65 kg) — qola medal

Semserlesýden Qazaqstan erler quramasy – qola júlde

Badmıntonnan Qazaqstan erler komandasy Mustafa Málikjan/Arnur Tápishev) – qola medal

Badmıntonnan Qazaqstan áıelder quramasy (Alısa Kýleshova/Dıana Namenova) – qola júlde

Oǵan deıin Hankendi qalasynda ótken sadaq atýdan jarysta Qazaqstan sportshylary 1 altyn, 2 kúmis medal jeńip aldy.

Júldegerler:

Klassıkalyq sadaq atý – Anastasııa Solodovnıkova fınalda Marııa Taraıarovany (Reseı) 6:4 esebimen jeńdi

Klassıkalyq sadaq atý – Qazaqstan quramasy (Raıymbek Maıqybaev, Anastasııa Solodovnıkova) fınalda Belarýs komandasyna ese jiberdi (4:5).

Klassıkalyq sadaq atý – Qazaqstan erler quramasy (Raıymbek Maıqybaev, Álıhan Tuıaq, Rahymjan Qamar) fınalda Reseı komandasynan jeńildi (3:5).

Raıymbek Maıqybaev jekeleı synda qola júldege talasta reseılik sportshyǵa jol berip, tórtinshi satyǵa jaıǵasty.

Sporttyń bul túrinen Qazaqstan komandasy sapynda barlyǵy 6 mergen — Tomırıs Ábdirashıt, Arýjan Iahına, Anastasııa Solodovnıkova, Rahymjan Qamar, Raıymbek Maıqybaev, Álıhan Tuıaq kelip, synǵa tústi.

Evlah qalasynda ornalasqan Olımpıada ortalyǵynda bokstan qyzdar arasyndaǵy fınaldar boldy. Bul synda fınalǵa shyqqan eki boksshymyz qarsylasyn jeńip, ánuranymyzdy shyrqatty.

-60 kg, fınal:

Jasmın Abramıan – Aınur Ismaılova (Ázerbaıjan). Esep: 5:0.

-66 kg, fınal:

Dılıara Tursynbek – Lýstına Anýfrıeva (Reseı). Esep: 5:0.

Sonymen qatar taǵy 5 bylǵary qolǵap sheberimiz qola júldege ıe boldy. Olar:

Asylaı Murat (-48 kg)

Arýjan Tillabaı (-52 kg)

Adelaıda Sadvakasova (-54 kg)

Balym Ǵabıtqyzy (-57 kg)

Madına Nurmanova (-63 kg)

Qazaqstan komandasynyń aǵa jattyqtyrýshysy – Aıbek Ábilda. Endi búgin uldar arasynda bir otandasymyz Edige Nurqoja (-52 kg) bas júldege talasady.

Qazir Qazaqstan quramasy enshisinde 9 altyn, 22 kúmis, 41 qola medal bar. Bul ázirge jalpykomandalyq eseptegi besinshi oryn.

Ázerbaıjandaǵy oıyndar 8 qazanda aıaqtalady.