SportPress.kz Qazaqstan sport jańalyqtary
Úndistannyń Ahmedabad qalasynda ótip jatqan sý sporty túrlerinen Azııa chempıonatynda qurama komandanyń arýlary erkin baǵdarlamada óner kórsetip, jeńis tuǵyrynan kórindi, dep habarlady Astana qalasy ákimdiginiń resmı saıty.
Nátıjesinde áıelder arasyndaǵy komandalyq esepte qyzdar 267.0639 upaı jınap, altyn medalǵa ıe boldy. О́zbekstan quramasy – 187.3013 upaımen kúmis medal enshilese, Taıland sportshylary 180.9401 upaımen úzdik úshtikten kórindi.
El namysyn qorǵaǵan Qazaqstan quramasy sapynda Astana qalasynyń sportshylary – Iasmına Islamova, Áıgerim Qurmanǵalıeva, Anna Pavleova, Valerııa Stolbýnova jáne Jaklın Iakımova óner kórsetti.
Azııa chempıonaty 10 qazan kúni máresine jetedi. Aıtýly dodaǵa toǵyz eldiń sportshylary qatysyp, ózara baq synaýda.
