SportPress.kz قازاقستان سپورت جاڭالىقتارى
كورەيانىڭ ۆوندجۋ قالاسىندا 18 جاسقا دەيىنگى تەننيسشىلەر اراسىنداعى ازيانىڭ بەيرەسمي چەمپيوناتى سانالىپ كەلگەن بەدەلدى ITF Juniors ءتۋرنيرى (J300 ساناتى) مارەسىنە جەتتى، دەپ حابارلادى قازاقستان تەننيس فەدەراتسياسى.
زاڭعار نۇرلان ۇلى (ITF Juniors رەيتينگىندە 23-ورىندا) الەمدىك جاسوسپىرىمدەر تەننيسىندەگى ۇزدىك ويىنشىلاردىڭ ءبىرى ەكەنىن تاعى ءبىر مارتە دالەلدەدى.
فينالدا 18 جاسقا دەيىنگى ءبىرىنشى راكەتكامىز قىتاي تايبەيىنىڭ وكىلى كۋان چەۋ چەنمەن (الەمدىك رەيتينگتە 41-ورىندا) كەزدەستى. بۇعان دەيىن ەكەۋى 2024 جىلى كۇزدە وتكەن جاسوسپىرىمدەر اراسىنداعى دەۆيس كۋبوگىنىڭ فينالدىق كەزەڭىندە ويناپ، سول كەزدە نۇرلان ۇلى 7:6، 6:2 ەسەبىمەن جەڭىسكە جەتكەن ەدى.
زاڭعار نۇرلان ۇلى بۇل جولى ماتچ باستالا سالىسىمەن باسىمدىق تانىتتى. ول قارسىلاسىنا مۇمكىندىك قالدىرعان جوق. قازاقستاندىق تەننيسشى 6:2، 6:1 ەسەبىمەن جەڭىسكە جەتتى. بۇل جەڭىس نۇرلان ۇلىنىڭ حارد توسەنىشىندەگى قاتارىنان ەكىنشى تيتۋلى بولدى. ول الدىڭعى اپتادا كورەيانىڭ تاعى ءبىر قالاسى — چحۋنچحوندا وتكەن J200 تۋرنيرىندە دە جەڭىمپاز اتانعان ەدى. وسىلايشا، زاڭعاردىڭ حاردتاعى جەڭىستى سەرياسى 11 ماتچقا دەيىن جالعاستى.
