«Jetinshi jeńis»: Zańǵar Nurlanuly ITF Juniors týrnırinde tıtýl aldy

Koreıanyń Vondjý qalasynda 18 jasqa deıingi tennısshiler arasyndaǵy Azııanyń beıresmı chempıonaty sanalyp kelgen bedeldi ITF Juniors týrnıri (J300 sanaty) máresine jetti, dep habarlady Qazaqstan tennıs federaııasy.

Zańǵar Nurlanuly (ITF Juniors reıtınginde 23-orynda) álemdik jasóspirimder tennısindegi úzdik oıynshylardyń biri ekenin taǵy bir márte dáleldedi.

Fınalda 18 jasqa deıingi birinshi raketkamyz Qytaı Taıbeıiniń ókili  Kýan Cheý Chenmen (álemdik reıtıngte 41-orynda) kezdesti. Buǵan deıin ekeýi 2024 jyly kúzde ótken jasóspirimder arasyndaǵy Devıs Kýbogynyń fınaldyq kezeńinde oınap, sol kezde Nurlanuly 7:6, 6:2 esebimen jeńiske jetken edi.

Zańǵar Nurlanuly bul joly match bastala salysymen basymdyq tanytty. Ol qarsylasyna múmkindik qaldyrǵan joq. Qazaqstandyq tennısshi 6:2, 6:1 esebimen jeńiske jetti. Bul jeńis Nurlanulynyń hard tósenishindegi qatarynan ekinshi tıtýly boldy. Ol aldyńǵy aptada Koreıanyń taǵy bir qalasy — Chhýnchhonda ótken J200 týrnırinde de jeńimpaz atanǵan edi. Osylaısha, Zańǵardyń hardtaǵy jeńisti serııasy 11 matchqa deıin jalǵasty.