الەم كۋبوگى: قازاقستان مەن اقش ويىنى

اقش-تىڭ فورت-ۋەين قالاسىندا ۆولەيبولدى وتىرىپ ويناۋدان ءوتىپ جاتقان الەم كۋبوگىندا قازاقستان قۇراماسى ءالى بىردە-ءبىر رەت جەڭىلگەن جوق.

بۇل دۇرمەكتى دوداعا 14 ەرلەر جانە 6 ايەلدەر قۇراماسى قاتىسىپ جاتىر. بۇعان دەيىن باۋىرجان تاحاۋوۆتىڭ جاساعى اۋەلى يتاليا قۇراماسىن 3:0 ەسەبىمەن جەڭدى. سودان كەيىن پولشا، كانادا مەن فرانتسيا قۇرامالارىمەن ويىندا دا  دال وسىنداي ەسەپپەن جەڭىسكە جەتتى.

كەشە قازاقستان كومانداسى الەم كۋبوگىنىڭ ءفاۆوريتى سانالاتىن اقش-پەن وينايدى. بۇل ويىنداعى العاشقى ەكى پارتيادا وتانداستارىمىز 27:25، 25:21 ەسەبىمەن باسىمدىق تانىتتى. ودان كەيىن الاڭ يەلەرى ەسەپتى تەڭەستىردى. ءسويتىپ، ەسەپ 25:22، 25:17 بولعاندا قازاقستان قۇراماسىنىڭ تىنىسى اشىلىپ، جەڭىسكە جەتۋ ءۇشىن قولدا بار مۇمكىندىكتىڭ ءبارىن جاسادى. بەسىنشى سەتتە 15:12 ەسەبىمەن العا شىقتى. قورىتىندى ەسەپ – 3:2.

وسىلايشا، قازاقستان توپتىق كەزەڭدە قاتارىنان بەسىنشى ماتچتا قارسىلاستارىنان ايلاسىن اسىردى.

ەندى ۇلتتىق قۇراما تايلاند كومانداماسىمەن وينايدى.

بۇل تۋرنيردە 2028 جىلى لوس-اندجەلەستە وتەتىن پاراليمپيادا ويىندارىنا قاتىسۋ ءۇشىن رەيتينگىلىك ۇپايلار بەرىلەدى.

داستان كەنجالين،

استانا