«قىزىل-جار» كلۋبى ايىپپۇل ارقالادى

قازاقستان فۋتبول فەدەراتسياسى تەرگەۋگە كومەكتەسۋدەن باس تارتقان «قىزىل-جار» فۋتبول كلۋبىن جازالاۋ تۋرالى شەشىم قابىلدادى.

تەرگەۋ شىلدە ايىندا تۇركىستان قالاسىندا «قىزىل-جار» مەن «تۇران» كلۋبتارىنىڭ ويىنىنا بايلانىستى بولىپ وتىر. قفف-عا ماتچ الدىن الا كەلىسىپ قويىلعان بولۋى مۇمكىن دەگەن كۇدىك تۋدىرعان.

-وسىعان وراي قازاقستان فۋتبول فەدەراتسياسىنىڭ باقىلاۋ، تارتىپتىك جانە ەتيكالىق كوميتەتىنىڭ وتىرىسى ءوتىپ، «تۇران» كلۋبىمەن ماتچقا بايلانىستى قىزمەتتىك تەرگەۋ ىسىنە كومەكتەسۋدەن باس تارتىپ، كەدەرگى كەلتىرگەنى ءۇشىن «قىزىل-جار» فۋتبول كلۋبىنا جازا قولدانىلدى. ياعني، كلۋبقا 100 اەك، ياعني 393 200 تەڭگە كولەمىندە ايىپپۇل سالىندى. بۇل سومانى 2025 جىلدىڭ 7 قاراشاسىنا دەيىن تولەۋ قاجەت، — دەلىنگەن قفف-نىڭ حابارلاماسىندا.

سونىمەن بىرگە كلۋب قفف-نىڭ قاۋىپسىزدىك جانە ينتەگريتي قىزمەتىنە ويىنشىلاردان، مەنەدجەردەن، باپكەرلىك شتابتان جانە ماتچقا قاتىسى بار ادامداردان سۇراق-جاۋاپ الۋعا كومەكتەسۋگە مىندەتتى.

«قىزىل-جار» فۋتبول كلۋبى قفف شەشىمىن ورىنداماعان جاعدايدا قاتاڭ شارا قولدانىلادى.

ونىڭ ىشىندە ۇپايلارى الىنىپ، كلۋب تومەنگى ليگاعا تۇسىرىلەدى. ويىنشىلار مەن رەسمي ازاماتتارعا فۋتبول سالاسىندا جۇمىس ىستەۋگە تىيىم سالىنادى.

رۇستەم جۇمان،

استانا