«Qyzyl-Jar» klýby aıyppul arqalady

Qazaqstan fýtbol federaııasy tergeýge kómektesýden bas tartqan «Qyzyl-Jar» fýtbol klýbyn jazalaý týraly sheshim qabyldady.

Tergeý shilde aıynda Túrkistan qalasynda «Qyzyl-Jar» men «Turan» klýbtarynyń oıynyna baılanysty bolyp otyr. QFF-ǵa match aldyn ala kelisip qoıylǵan bolýy múmkin degen kúdik týdyrǵan.

-Osyǵan oraı Qazaqstan fýtbol federaııasynyń Baqylaý, tártiptik jáne etıkalyq komıtetiniń otyrysy ótip, «Turan» klýbymen matchqa baılanysty qyzmettik tergeý isine kómektesýden bas tartyp, kedergi keltirgeni úshin «Qyzyl-Jar» fýtbol klýbyna jaza qoldanyldy. Iaǵnı, klýbqa 100 AEK, ıaǵnı 393 200 teńge kóleminde aıyppul salyndy. Bul somany 2025 jyldyń 7 qarashasyna deıin tóleý qajet, — delingen QFF-nyń habarlamasynda.

Sonymen birge klýb QFF-nyń Qaýipsizdik jáne ıntegrıtı qyzmetine oıynshylardan, menedjerden, bapkerlik shtabtan jáne matchqa qatysy bar adamdardan suraq-jaýap alýǵa kómektesýge mindetti.

«Qyzyl-Jar» fýtbol klýby QFF sheshimin oryndamaǵan jaǵdaıda qatań shara qoldanylady.

Onyń ishinde upaılary alynyp, klýb tómengi lıgaǵa túsiriledi. Oıynshylar men resmı azamattarǵa fýtbol salasynda jumys isteýge tyıym salynady.

Rústem JUMAN,

ASTANA