Azııalyq Qazaq Kuresi assoıaııasy quryldy

Túrkistan qalasynda qazaq kúresiniń damýyna serpin beretin mańyzdy jıyn – Qazaq Kuresi assoıaııasy Atqarýshy komıtetiniń otyrysy ótti.

Azııa chempıonaty aıasynda uıymdastyrylǵan bul basqosý ulttyq sporttyń strategııalyq baǵytyn aıqyndap, halyqaralyq deńgeıdegi jańa bastamalardyń negizin qalaǵan tarıhı is-shara boldy, dep habarlady Qazaq Kuresi assoıaııasynyń baspasóz qyzmeti.

Jıynǵa Túrkistan oblysy dene shynyqtyrý jáne sport basqarmasynyń basshysy Ǵalymjan Hýdııarov, Ulttyq jáne at sporty túrleri ortalyǵynyń dırektory Qaırat Pazylbek, United World Wrestling uıymynyń tehnıkalyq delegaty Onýr Shımshek, chempıonattyń bas tóreshisi Edmar Abdýlaev, sala ardagerleri Marat Jaqıt pen Serik Túkeev, sondaı-aq qazaqstandyq jáne sheteldik federaııalardyń basshylary men ókilderi qatysty.

Otyrysty alǵysózben ashqan Qazaq Kuresi assoıaııasynyń bas dırektory Damır Bekbosynov óz baıandamasynda qaýymdastyqtyń jumystaryna toqtalyp, sońǵy jyldary tól kúresimizdiń halyqaralyq deńgeıde tanymal bola túskenin atap ótti.

Damır Ásenǵazyulynyń aıtýynsha, assoıaııanyń bastamasymen 11 álem chempıonaty, 13 Azııa chempıonaty, 6 Álem kýbogy, 6 Eýropa jáne 2 Afrıka chempıonaty laıyqty deńgeıde boldy. Sonymen qatar tóreshiler men jattyqtyrýshylarǵa arnalǵan biryńǵaı attestaııalaý men biliktilikti arttyrý júıesi engizildi.

Osy baǵyttaǵy jumystardy júıeleý úshin assoıaııa quramynda 8 komıtet pen 3 departament qurylyp, tóreshilik, medıına, halyqaralyq yntymaqtastyq, marketıng jáne damý baǵyttary boıynsha naqty mindetter bekitilgen.

Azııa oıyndaryna jol ashatyn bastama

Jıynda qazaq kúresin Azııa oıyndarynyń baǵdarlamasyna engizý máselesi de talqylandy. Olımpıadalyq keńestiń (OCA) talabyna saı qazaq kúresi Azııanyń keminde 25 elinde damyp, 12 memleket qazaq kúresiniń chempıonattaryna turaqty qatysýlary qajet. Sondaı-aq, dopıngke qarsy saıasat, genderlik teńdik jáne biryńǵaı tórelik júıe bolýy mindet.

Onyń aıtýynsha, búgingi tańda qazaq kúresi bul talaptardyń basym bóligin oryndap otyr. Iaǵnı, qazaq kúresi Azııanyń 15-ten astam elinde turaqty damýda, tóreshiler UWW júıesimen lıenzııalanýda, al qazaq kúresiniń jańartylǵan Erejesi halyqaralyq standarttarǵa saı.

Basqosýdyń basty jańalyǵy – Azııalyq Qazaq Kuresi assoıaııasynyń qurylýy boldy. Jańa qurylymnyń basty maqsaty – Azııa qurlyǵyndaǵy barlyq ulttyq federaııalardyń jumysyn úılestirý, biryńǵaı jarys kúntizbesin bekitý jáne sportshylardyń halyqaralyq deńgeıde attestaııadan ótýin qamtamasyz etý.

Jańadan qurylǵan Azııalyq Qazaq Kuresi assoıaııasynyń prezıdenti bolyp Harısh Tııagı (Úndistan), al bas hatshysy qyzmetine Parvın Tııagı (Úndistan) saılandy.

-Qazaq kúresi – ulttyq rýhtymyzdyń aınasy, ult bolmysyn, rýhyn, erlik pen ádildik dástúrin boıyna sińirgen asyl mura. Biz osy murany álemdik deńgeıde tanytyp, bolashaqta ony Olımpıadalyq qozǵalystyń bir bóligine aınaldyrýdy maqsat etip otyrmyz. Qazaq kúresin Azııa oıyndarynyń baǵdarlamasyna engizý – bul ulttyq ıdeologııanyń jeńisi bolmaq. Búginde qazaq kúresi 40-tan astam elde damyp keledi. Al Azııa aımaǵynda 15 el resmı túrde ulttyq federaııalaryn tirkegen. Bizdiń mindetimiz – osy keńistikte birlesip áreket etip, ortaq maqsatqa jetý. Sol úshin Azııa deńgeıindegi birtutas basqarý júıesin qurý asa mańyzdy, – dedi Damır Ásenǵazyuly.

Bolashaqqa baǵdar

Jıyn sońynda Qazaq Kuresi assoıaııasynyń basshysy Damır Bekbosynov qazaqstandyq jáne sheteldik federaııalarǵa naqty tapsyrmalar júktedi. Atap aıtqanda, 2026 jyldan bastap ár sheteldik federaııa óz elinde chempıonat ótkizýi, al toqsan saıyn onlaın otyrystarǵa qatysýy tıis ekendigi atap aıtyldy.

-Bizdiń maqsat – qazaq kúresin el ishinde ǵana emes, búkil álemdik sport qaýymdastyǵynda moıyndatý. Bul baǵytta memleket, federaııalar men bapkerler birlesip jumys isteýi kerek. Qazaq kúresi – bizdiń ulttyq brendimiz, ony álemdik deńgeıde órkendetý – árqaısymyzdyń abyroıly boryshymyz, – dedi assoıaııa basshysy sózin qorytyndylaı kele.

Bul jarysqa Azııa qurylyǵynyń 12 elinen kelgen 150-ge jýyq sportshy qatysyp, 16 salmaq dárejesi boıynsha synǵa túsýde.