بالا دەنساۋلىعى ماڭىزدى

الماتىدا Orzax حالىقارالىق پەدياتريا كونفەرەنتسياسى ءوتتى.

وعان باۋىرلاس تۇرىك ەلىنىڭ بىلىكتى دە مايتالمان دارىگەرلەرى مەن عالىمدارى قاتىستى.

Orzax كومپانياسى، ەلىمىزدىڭ دەنساۋلىق ساقتاۋ مينيسترلىگىنىڭ ۇيىمداستىرۋىمەن وتكەن كونفەرەنتسياعا اتاقتى عالىمدار، تاجىريبەلى پەدياترلار مەن بالالار حيرۋرگتارىمەن قاتار قازاقستاننان جانە شەتەلدەن 100-دەن استام سپيكەرلەر قاتىسىپ، ءوز ويلارىن ورتاعا سالدى.

تۇركيانىڭ جەتەكشى فارماتسەۆتيكالىق كومپانيالارىنىڭ ءبىرى – ORZAX بۇگىنگى تاڭدا بيولوگيالىق بەلسەندى قوسپالاردىڭ 200 ءتۇرىن ءوندىرىپ، الەمنىڭ 60 ەلىنە ەكسپورتتايدى. قازاقستانداعى ءوندىرىس جوباسىنا كومپانيا 40 ميلليون دوللار ينۆەستيتسيا قۇيىپ، 500 ادامدى تۇراقتى جۇمىسپەن قامتۋدى جوسپارلاپ وتىر.

ORZAX تەك بالالارعا عانا ەمەس، ەرەسەكتەرگە دە ارناپ ءدارى وندىرەدى. كومپانيا تۇركيادا 20 جىلدان استام ۋاقىت بويى جۇمىس ىستەپ قانا قويماي، تۇرىك نارىعىندا 6 جىل قاتارىنان كوشباسشىلىق ورنىن ساقتاپ كەلەدى.

جيىندا بالالاردىڭ وزەكتى ماسەلەلەرى اتاپ ايتقاندا دەنساۋلىققا قاتىستى پروبلەمالار ايتىلىپ، شەشۋ جولدارى قاراستىرىلدى.

نۇرلان قۇمار،

الماتى