Nurjan Asan – álemdik arenadaǵy qazaq rýhynyń aıǵaǵy

AQSh-tyń Nıý-Iork qalasynda ótken áıgili Bill Farrell International 2025 týrnırinde qazaq balýany Nurjan Asan taǵy da el namysyn abyroımen qorǵap, kúmis medal ıegeri atandy.

Ol óz salmaǵynda (87 kg) birneshe amerıkalyq qarsylasyn aıqyn basymdyqpen jeńip, fınalǵa deıin súrinbeı jetti. Sońǵy beldesýde upaı sanymen jeńilgenimen, Nurjan Asannyń sheberligi men tabandylyǵy kórermender men sarapshylardyń laıyqty baǵasyna ıe boldy.

Jarysqa 30-dan astam elden 300-ge jýyq sportshy qatysqanyn eskersek, bul nátıje – qazaq sportynyń órkendeýiniń aıqyn dáleli.

-Nurjan eshqashan berilmeıdi. Álemniń qaı túkpirinde kúresse de, onyń boıynan qazaq rýhynyń oty baıqalady, — dedi balýannyń jattyqtyrýshysy Rınat Ismaılov jarystan keıin.

T.Rysqulov aýdanynyń Kógershin aýylynda dúnıege kelgen Nurjan Asan — búgingi tańda Qazaqstannyń maqtanyshy. Ol 12 jyl boıy kúres ónerin ómirlik serigine aınaldyrǵan.

Buǵan deıin ol 2021jyly Sýrdlımpıada oıyndarynyń qola júldegeri, 2022 jyly álem chempıony, 2023 jyly Azııa oıyndarynyń eki dúrkin jeńimpazy bolyp, byltyr Qazaqstan Respýblıkasynyń eńbek sińirgen sport sheberi ataǵyna ıe boldy.

Búginde Nurjan Asan AQSh pen Brazılııada sheberlik sabaqtaryn ótkizip, álem jastaryna qazaq kúresiniń rýhy men ónerin nasıhattap júr.

-Men úshin basty jeńis — elimniń atyn álemge tanytý, — deıdi sportshy.

Nurshahrızada SALIMOVA,

TARAZ