Қанат Ислам шаршы алаңға қайтып шығады

Бейжің Олимпиадасының қола жүлдегері, Қытайдың екі дүркін чемпионы Қанат Ислам (29-1-0,22КО) ұзақ уақыттан кейін шаршы алаңға қайтып шығатынын айтты.

Ол Ali Akhmedov Promotions промоутерлік компаниясының ұйымдастыруымен болатын кәсіпқой бокс кешінде жекпе-жекке шығады.

Әзірше оның қарсыласы кім екені белгісіз.

Еске сала кетсек, бұған дейін Қанат Ислам 29 жекпе-жекке шығып, 28 рет  жеңіп, біреуінде ғана жеңілген.

Қанат Ислам соңғы рет 2022 жылы 7 қазанда аргентиналық Хавьер Франциско Масиельмен қолғап түйістіріп, төрешілер шешімімен жеңіске жеткен болатын.

Ali Akhmedov Promotions Fight Night кәсіпқой бокс кеші 27 желтоқсанда Алматыдағы «Балуан шолақ» спорт кешенінде болады.

Басты жекпе-жекте Әли Ахмедов (24-2-0,17КО) ганалық Делали Миледзимен (29-1-1,22КО) жұдырықтасады.

Дастан КЕНЖАЛИН,

АСТАНА