قانات يسلام شارشى الاڭعا قايتىپ شىعادى

بەيجىڭ وليمپياداسىنىڭ قولا جۇلدەگەرى، قىتايدىڭ ەكى دۇركىن چەمپيونى قانات يسلام (29-1-0،22كو) ۇزاق ۋاقىتتان كەيىن شارشى الاڭعا قايتىپ شىعاتىنىن ايتتى.

ول Ali Akhmedov Promotions پروموۋتەرلىك كومپانياسىنىڭ ۇيىمداستىرۋىمەن بولاتىن كاسىپقوي بوكس كەشىندە جەكپە-جەككە شىعادى.

ازىرشە ونىڭ قارسىلاسى كىم ەكەنى بەلگىسىز.

ەسكە سالا كەتسەك، بۇعان دەيىن قانات يسلام 29 جەكپە-جەككە شىعىپ، 28 رەت  جەڭىپ، بىرەۋىندە عانا جەڭىلگەن.

قانات يسلام سوڭعى رەت 2022 جىلى 7 قازاندا ارگەنتينالىق حاۆەر فرانتسيسكو ماسيەلمەن قولعاپ ءتۇيىستىرىپ، تورەشىلەر شەشىمىمەن جەڭىسكە جەتكەن بولاتىن.

Ali Akhmedov Promotions Fight Night كاسىپقوي بوكس كەشى 27 جەلتوقساندا الماتىداعى «بالۋان شولاق» سپورت كەشەنىندە بولادى.

باستى جەكپە-جەكتە ءالي احمەدوۆ (24-2-0،17كو) گانالىق دەلالي ميلەدزيمەن (29-1-1،22كو) جۇدىرىقتاسادى.

داستان كەنجالين،

استانا