يسلام ىنتىماقتاستىق ويىندارى: قازاقستان 56 مەدال الدى

قازاقستان قۇراماسى ساۋد ارابياسىنىڭ ەر-رياد قالاسىندا وتكەن يسلام ىنتىماقتاستىعى ويىندارىنداعى جارىستارىن اياقتادى.

جالپى ەسەپتە وتانداستارىمىز 56 مەدال الدى. ونىڭ ىشىندە 15 — التىن، 20 – كۇمىس جانە 21 — قولا مەدال بار. وسىلايشا قازاقستان جالپىكوماندالىق ەسەپتە جەتىنشى ورىنعا ورنالاستى.

قازاقستاننىڭ ءجۇزۋ، اۋىر اتلەتيكا جانە دجيۋ-دجيتسۋ قۇرامالارى ەل قورجىنىنا ءۇش مەدالدان سالدى.

ۇستەل تەننيسشىلەرى ەكى التىن مەدال جەڭىپ الدى. دزيۋدويستەر، مۋاي-تايشىلار، سەمسەرلەسۋشىلەر مەن كاراتەشىلەر ءبىر-ءبىر التىن مەدالمەن جارىستى اياقتادى.

قازاقستاندىق اتلەتتەر كوماندالىق جارىستا دا جۇلدەگەر اتاندى. ايەلدەر قۇراماسى گاندبولدان فينالعا دەيىن جەتىپ، ەكىنشى ورىنعا يە بولدى.

مەدال كەستەسىندە تۇركيا كوش باستادى. ولار 72 التىن، 44 كۇمىس جانە 39 قولا يەلەندى. ەكىنشى ورىنعا وزبەكستان يە بولدى (29 التىن، 35 كۇمىس، 32 قولا). ءۇشىنشى ورىنعا يران (29 التىن، 19 كۇمىس، 33 قولا) يە بولدى.

بۇل جارىستا ەلىمىزدىڭ نامىسىن 100-دەن استام سپورتشى قورعادى. ولار باعدارلاماعا كىرگەن 23 سپورت ءتۇرىنىڭ 15-ىندە باق سىنادى.

داستان كەنجالين،

استانا