Islam yntymaqtastyq oıyndary: Qazaqstan 56 medal aldy

Qazaqstan quramasy Saýd Arabııasynyń Er-Rııad qalasynda ótken Islam yntymaqtastyǵy oıyndaryndaǵy jarystaryn aıaqtady.

Jalpy esepte otandastarymyz 56 medal aldy. Onyń ishinde 15 — altyn, 20 – kúmis jáne 21 — qola medal bar. Osylaısha Qazaqstan jalpykomandalyq esepte jetinshi orynǵa ornalasty.

Qazaqstannyń júzý, aýyr atletıka jáne djıý-djıtsý quramalary el qorjynyna úsh medaldan saldy.

Ústel tennısshileri eki altyn medal jeńip aldy. Dzıýdoıster, mýaı-taıshylar, semserlesýshiler men karateshiler bir-bir altyn medalmen jarysty aıaqtady.

Qazaqstandyq atletter komandalyq jarysta da júldeger atandy. Áıelder quramasy gandboldan fınalǵa deıin jetip, ekinshi orynǵa ıe boldy.

Medal kestesinde Túrkııa kósh bastady. Olar 72 altyn, 44 kúmis jáne 39 qola ıelendi. Ekinshi orynǵa О́zbekstan ıe boldy (29 altyn, 35 kúmis, 32 qola). Úshinshi orynǵa Iran (29 altyn, 19 kúmis, 33 qola) ıe boldy.

Bul jarysta elimizdiń namysyn 100-den astam sportshy qorǵady. Olar baǵdarlamaǵa kirgen 23 sport túriniń 15-inde baq synady.

Dastan KENJALIN,

ASTANA