ءامىر ومارحانوۆ العاشقى جەكە تيتۋلىن جەڭىپ الدى

18 جاستاعى ءامىر ومارحانوۆ ءتۋنيستىڭ موناستير قالاسىندا وتكەن ITF M15 ساناتىنداعى ءتۋرنيردىڭ جەڭىمپازى اتاندى، دەپ حابارلادى قازاقستان تەننيس فەدەراتسياسى.

ول فينالدا وزىمەن قاتارلاس، الەمدىك رەيتينگىدە 824-ورىندا تۇرعان گەرمانيالىق ماكس شونحاۋستى 6:3، 3:6، 6:4 ەسەبىمەن جەڭدى.

ماتچ تارتىستى بولدى. بىراق ومارحانوۆ شەشۋشى ساتتە باسىمدىقتى ساقتاي ءبىلدى. ول بۇل تيتۋلدى الۋ ءۇشىن ءتۋرنيردىڭ ەكىنشى، التىنشى، جەتىنشى جانە سەگىزىنشى راكەتكالارىن جەڭدى.

قازاق تەننيسشىسىنىڭ قارسىلاسى  شونحاۋس  — ITF Juniors بويىنشا الەمنىڭ ەكىنشى راكەتكاسى. ول الدىڭعى اپتادا تۋنيستە وتكەن ITF M25 ءتۋرنيرىنىڭ جەڭىمپازى اتانعان ەدى. ءبىزدىڭ جاس سپورتشى ونىڭ بۇل اتاعىنا قاراعان جوق. كورتتا شونحاۋسقا ەش مۇمكىندىك بەرمەي، جەڭىسكە جەتتى.

وسىلايشا، ومارحانوۆ جەكەلەي سىنداعى العاشقى تيتۋلىن جەڭىپ الدى. ەسكە سالا كەتسەك، ومارحانوۆ — قاراعاندى تەننيس مەكتەبىنىڭ تۇلەگى. ول كەزىندە پەتر نەستەروۆتىڭ قول استىندا جاتتىققان.

قازىر ءامىر الەمدەگى ەڭ مىقتى مەكتەپتەردىڭ ءبىرى بولىپ ەسەپتەلەتىن ريككاردو پياتتي اكادەمياسىندا شەبەرلىگىن شىڭداپ جاتىر.