Ámir Omarhanov alǵashqy jeke tıtýlyn jeńip aldy

18 jastaǵy Ámir Omarhanov Týnıstiń Monastır qalasynda ótken ITF M15 sanatyndaǵy týrnırdiń jeńimpazy atandy, dep habarlady Qazaqstan tennıs federaııasy.

Ol fınalda ózimen qatarlas, álemdik reıtıngide 824-orynda turǵan germanııalyq Maks Shonhaýsty 6:3, 3:6, 6:4 esebimen jeńdi.

Match tartysty boldy. Biraq Omarhanov sheshýshi sátte basymdyqty saqtaı bildi. Ol bul tıtýldy alý úshin týrnırdiń ekinshi, altynshy, jetinshi jáne segizinshi raketkalaryn jeńdi.

Qazaq tennısshisiniń qarsylasy  Shonhaýs  — ITF Juniors boıynsha álemniń ekinshi raketkasy. Ol aldyńǵy aptada Týnıste ótken ITF M25 týrnıriniń jeńimpazy atanǵan edi. Bizdiń jas sportshy onyń bul ataǵyna qaraǵan joq. Kortta Shonhaýsqa esh múmkindik bermeı, jeńiske jetti.

Osylaısha, Omarhanov jekeleı syndaǵy alǵashqy tıtýlyn jeńip aldy. Eske sala ketsek, Omarhanov — Qaraǵandy tennıs mektebiniń túlegi. Ol kezinde Petr Nesterovtyń qol astynda jattyqqan.

Qazir Ámir álemdegi eń myqty mektepterdiń biri bolyp esepteletin Rıkkardo Pıattı akademııasynda sheberligin shyńdap jatyr.