«قايرات» پەن «وليمپياكوس» ويىنىنا بيلەتتەر ساتىلىمعا شىقتى

بۇعان دەيىن الماتىنىڭ «قايرات» فۋتبول كلۋبىنىڭ چەمپيوندار ليگاسى اياسىنداعى كەزەكتى ماتچىن گرەكيانىڭ «وليمپياكوس» كومانداسىمەن استاناداعى «استانا ارەنا» ستاديونىندا وينايتىنىن حابارلاعان ەدىك.

ەندى قولدا بار مالىمەتكە قاراساق، جاقىندا «قايراتتىڭ» استاناداعى العاشقى ويىنىنا بيلەتتەر ساتىلىمعا شىقتى.

الماتى كلۋبىنىڭ حابارلاۋىنشا،  بيلەتتىڭ باعاسى — 15 000 — 50 000 تەڭگە ارالىعىندا. ماتچ 9 جەلتوقسان كۇنى 20:30–دا «استانا ارەنا» ستاديونىندا بولادى.

— بىر جسن-عا ەكى بيلەتتەن ارتىق ساتىپ الۋعا بولمايدى. شەتەل ازاماتتارى تولقۇجات دەرەكتەرىن كورسەتە الادى، — دەپ حابارلادى كلۋب.

وسىدان كەيىن «قايرات» فۋتبول كلۋبى 20 قاڭتاردا بەلگيانىڭ «بريۋگگە» كومانداسىمەن دە «استانا ارەنا» ستاديونىندا وينايدى.

وعان دەيىن «قايراتتىڭ» «رەال مادريد» مەن «پافوس» كوماندالارىمەن ويىندارى الماتىنىڭ ورتالىق ستاديونىندا بولدى. بۇل ماتچتارعا بيلەت 30-250 مىڭ تەڭگە ارالىعىندا ساتىلدى.

داستان كەنجالين،

استانا