كۇن تارتىبىندە كەزەك كۇتتىرمەيتىن ماسەلە كوپ

بۇگىن «قازاقستاندىق سپورت ارداگەرلەرى وداعى» رقب ەلىمىزدىڭ سپورت ارداگەرلەرى قاۋىمداستىعى ءۇشىن ماڭىزدى وقيعالاردىڭ ءبىرى – وداقتىڭ جوعارى باسقارۋشى ورگانى كونفەرەنتسياسىن ونلاين فورماتتا وتكىزدى، دەپ حابارلادى سپورت ارداگەرلەرىنىڭ رەسپۋبليكالىق قوعامدىق بىرلەستىگى.

بۇل كەزەكتەن تىس كونفەرەنتسيانىڭ كۇن تارتىبىنە قويىلعان ماسەلەلەر ۇيىمنىڭ بۇگىنگى تىنىسىن عانا ەمەس، بولاشاقتاعى دامۋ باعىتىن ايقىنداۋعا باعىتتالدى. كونفەرەنتسيادا ايماق وكىلدەرى وداقتىڭ جۇمىسىنا قاتىستى الدىن الا ەسەپتى ۇسىنىپ، جاڭارتىلعان ۇيىمدىق قۇرىلىمنىڭ قىزمەت ناتيجەلەرىنەن حاباردار ەتتى. سونداي-اق بيىل ىسكە اسىرىلعان جوبالاردىڭ مازمۇندى تالداۋى مەن وڭىرلىك فيليالدار جەلىسىن قالىپتاستىرۋ ماسەلەسىنە ەرەكشە نازار اۋدارىلدى.

بيىلعى جىلى وڭىرلەردە اشىلعان فيليالدار تۋرالى اقپارات تانىستىرىلىپ، ولاردىڭ باسشىلارى مەن مەكەنجايلارى رەسمي تۇردە جاريالاندى:

1. قاراعاندى وبلىسى فيليالى – جەتەكشىسى ۆالەري لەونيدوۆيچ گروموۆ. مەكەنجايى: قاراعاندى قالاسى، رەسپۋبليكا داڭعىلى، 13.
2. اقتوبە وبلىسى فيليالى. مەكەنجايى: اقتوبە قالاسى، ابىلقايىر حان داڭعىلى، 56.
3. اتىراۋ وبلىسى فيليالى – جەتەكشىسى بولات سانديباي ۇلى قۇجيەۆ. مەكەنجايى: اتىراۋ قالاسى، ق. سماعۇلوۆ كوشەسى، 5ا.
4. اباي وبلىسى فيليالى – جەتەكشىسى كۇلنار جۇنۇسبەكقىزى داۋكەەۆا. مەكەنجايى: سەمەي قالاسى، ا. پوسماكوۆ كوشەسى، 70.
5. الماتى قالاسى فيليالى – جەتەكشىسى ايتالاپ قالاباي ۇلى قورعانباەۆ. مەكەنجايى: الماتى قالاسى، تاتتىمبەت كوشەسى، 400ا.
6. سولتۇستىك قازاقستان وبلىسى فيليالى – جەتەكشىسى باۋىرجان نياز ۇلى كۇلجانوۆ. مەكەنجايى: پەتروپاۆل قالاسى، ستۋدەنتتەر كوشەسى، 14.
7. جامبىل وبلىسى فيليالى – جەتەكشىسى ماحامبەت احمەت ۇلى دۇيسەمباەۆ. مەكەنجايى: تاراز قالاسى، جامبىل داڭعىلى، 16گ.
8. ورال قالاسىنىڭ سپورت ارداگەرلەرى ۇيىمى – جەتەكشىسى بەرىكقالي بەكمۇراتوۆ.
9. جەتىسۋ وبلىسى فيليالى – جەتەكشىسى راۆيل ابراحمانوۆيچ حاميتوۆ. مەكەنجايى: تالدىقورعان، جەلتوقسان كوشەسى، 222
10. تۇركىستان وبلىسى فيليالى — جەتەكشىسى عاني مولدابەك ۇلى احمەتباەۆ. مەكەنجايى: تۇركىستان قالاسى، 162-118.

كونفەرەنتسيادا 2026 جىلعا ارنالعان جاڭا باستامالار مەن باسىمدىقتار تانىستىرىلدى. نەگىزگى جوسپارلاردىڭ قاتارىندا – سپورت ارداگەرلەرى اراسىنداعى رەسپۋبليكالىق جارىستاردى تۇراقتى وتكىزۋ جانە قازاقستان رەسپۋبليكاسىنىڭ سپورت ارداگەرلەرىنىڭ II رەسپۋبليكالىق فورۋمىن ۇيىمداستىرۋ بار. بۇل باستامالار سپورت ارداگەرلەرى قوزعالىسىن نىعايتۋعا جانە ەلىمىزدىڭ سپورتتىق مۇراسىن ساقتاۋ ماقساتىندا ىسكە اسىرىلماق. سونىمەن قاتار، كونفەرەنتسيادا فيليال باسشىلارىنا بيىلعى جىلدىڭ قورىتىندى ەسەپتەرىن دايىنداپ، ولاردى 2025 جىلعى 23 جەلتوقسانعا جوسپارلانعان كەزەكتەن تىس قورىتىندى كونفەرەنتسياعا ۇسىنۋ تاپسىرىلدى.

«قازاقستاندىق سپورت ارداگەرلەرى وداعى» رقب ءوز قىزمەتىنىڭ دامۋىنا قولداۋ كورسەتكەن باس دەمەۋشى Samruk-Kazyna قورىنا، سونداي-اق سەرىكتەستەر Sport Qory، مادەنيەت، سپورت، تۋريزم جانە اقپارات قىزمەتكەرلەرىنىڭ سالالىق كاسىپوداعى» رقب جانە Tassay كومپانياسىنا شىنايى العىس بىلدىرەدى. ءبىزدىڭ تۇراقتى سەرىكتەستىك وداق باستامالارىنىڭ كەڭەيۋىنە جانە جاڭا جوبالاردىڭ جۇزەگە اسۋىنا مۇمكىندىك بەرىپ كەلەدى.