Kún tártibinde kezek kúttirmeıtin másele kóp

Búgin «Qazaqstandyq sport ardagerleri Odaǵy» RQB elimizdiń sport ardagerleri qaýymdastyǵy úshin mańyzdy oqıǵalardyń biri – Odaqtyń joǵary basqarýshy organy konferenııasyn onlaın formatta ótkizdi, dep habarlady sport ardagerleriniń respýblıkalyq qoǵamdyq birlestigi.

Bul kezekten tys konferenııanyń kún tártibine qoıylǵan máseleler uıymnyń búgingi tynysyn ǵana emes, bolashaqtaǵy damý baǵytyn aıqyndaýǵa baǵyttaldy. Konferenııada aımaq ókilderi Odaqtyń jumysyna qatysty aldyn ala esepti usynyp, jańartylǵan uıymdyq qurylymnyń qyzmet nátıjelerinen habardar etti. Sondaı-aq bıyl iske asyrylǵan jobalardyń mazmundy taldaýy men óńirlik fılıaldar jelisin qalyptastyrý máselesine erekshe nazar aýdaryldy.

Bıylǵy jyly óńirlerde ashylǵan fılıaldar týraly aqparat tanystyrylyp, olardyń basshylary men mekenjaılary resmı túrde jarııalandy:

1. Qaraǵandy oblysy fılıaly – jetekshisi Valerıı Leonıdovıch Gromov. Mekenjaıy: Qaraǵandy qalasy, Respýblıka dańǵyly, 13.
2. Aqtóbe oblysy fılıaly. Mekenjaıy: Aqtóbe qalasy, Ábilqaıyr han dańǵyly, 56.
3. Atyraý oblysy fılıaly – jetekshisi Bolat Sandıbaıuly Qujıev. Mekenjaıy: Atyraý qalasy, Q. Smaǵulov kóshesi, 5A.
4. Abaı oblysy fılıaly – jetekshisi Kúlnar Júnúsbekqyzy Daýkeeva. Mekenjaıy: Semeı qalasy, A. Posmakov kóshesi, 70.
5. Almaty qalasy fılıaly – jetekshisi Aıtalap Qalabaıuly Qorǵanbaev. Mekenjaıy: Almaty qalasy, Táttimbet kóshesi, 400A.
6. Soltústik Qazaqstan oblysy fılıaly – jetekshisi Baýyrjan Nııazuly Kúljanov. Mekenjaıy: Petropavl qalasy, Stýdentter kóshesi, 14.
7. Jambyl oblysy fılıaly – jetekshisi Mahambet Ahmetuly Dúısembaev. Mekenjaıy: Taraz qalasy, Jambyl dańǵyly, 16G.
8. Oral qalasynyń sport Ardagerleri uıymy – jetekshisi Berikqalı Bekmuratov.
9. Jetisý oblysy fılıaly – jetekshisi Ravıl Abrahmanovıch Hamıtov. Mekenjaıy: Taldyqorǵan, Jeltoqsan kóshesi, 222
10. Túrkistan oblysy fılıaly — jetekshisi Ǵanı Moldabekuly Ahmetbaev. Mekenjaıy: Túrkistan qalasy, 162-118.

Konferenııada 2026 jylǵa arnalǵan jańa bastamalar men basymdyqtar tanystyryldy. Negizgi josparlardyń qatarynda – sport ardagerleri arasyndaǵy respýblıkalyq jarystardy turaqty ótkizý jáne Qazaqstan Respýblıkasynyń sport ardagerleriniń II Respýblıkalyq forýmyn uıymdastyrý bar. Bul bastamalar sport ardagerleri qozǵalysyn nyǵaıtýǵa jáne elimizdiń sporttyq murasyn saqtaý maqsatynda iske asyrylmaq. Sonymen qatar, konferenııada fılıal basshylaryna bıylǵy jyldyń qorytyndy esepterin daıyndap, olardy 2025 jylǵy 23 jeltoqsanǵa josparlanǵan kezekten tys qorytyndy konferenııaǵa usyný tapsyryldy.

«Qazaqstandyq sport ardagerleri Odaǵy» RQB óz qyzmetiniń damýyna qoldaý kórsetken bas demeýshi Samruk-Kazyna qoryna, sondaı-aq seriktester Sport Qory, Mádenıet, sport, týrızm jáne aqparat qyzmetkerleriniń salalyq kásipodaǵy» RQB jáne Tassay kompanııasyna shynaıy alǵys bildiredi. Bizdiń turaqty seriktestik Odaq bastamalarynyń keńeıýine jáne jańa jobalardyń júzege asýyna múmkindik berip keledi.