Taekvondoshy Batyrhan Tóleýǵalı — álem chempıony!

Taekvondoshy Batyrhan Tóleýǵalı (87 kg) Kenııanyń Naırobı qalasynda 21 jasqa deıingi sportshylar arasynda ótip jatqan álem chempıonatynda qurmet tuǵyrynyń eń bıik satysyna kóterildi.

Ol fınalda Iran eliniń ókili  Mohammed Alızadeni jeńdi. Oǵan deıin otandasymyz avstralııalyq Stıýart Djoýbty, beıtarap eldiń ókili Vladıslav Býdındi jeńgen edi.

Chempıonatta taekvondodan Qazaqstan quramasy eki altyn, bir qola júldeni jeńip aldy. Osyǵan deıin Beıbarys Qablan (87 keliden asa) chempıon atansa, Temirlan Tileýles (63 keli) qola júldeni aldy. Osy rette aıta ketetin bár nárse, mundaı kórsetkish Qazaqstan taekvondo (WT) tarıhynda eshqashan bolmaǵan.

Búgin el quramasynan Aqbota Jeleý (46 kg), Aıaýlym Asqar (62 kg), Arsylan Ermentaev (68 kg) qarsylastarynan jeńilip, jarys jolynan shyǵyp qaldy.

Kenııada jalaýy jelbiregen álem chempıonatynda 75 elden 500-ge jýyq daıang sheberi kúsh synasty.

Dastan KENJALIN,

ASTANA