اتىراۋ وبلىسىندا سپورتتى ورگە سۇيرەگەندەر ماراپاتتالدى

اتىراۋ وبلىسىنىڭ اكىمى نۇرلان نوعاەۆ وتكەن جىلدى قورىتىندىلاپ، جاڭا جىلعا جوسپار تۇزگەن كەلەلى كەڭەس، القالى ءماجىلىس وتكىزىپ، وبلىستىڭ سپورتىن ورگە تارتىپ جۇرگەن بىرقاتار ازاماتتاردى ماراپاتتادى.

سپورتشىلار بالىنا جينالعان كوپشىلىك الدىندا ءوڭىر باسشىسى  اتىراۋ ولكەسىندە سپورتتىڭ دامۋىنا سەرپىن بەرىپ، قولداۋ كورسەتىپ، دەمەۋشىلىك تانىتىپ جۇرگەن اتىمتاي-جومارت ازاماتتارعا العىسىن ءبىلدىرىپ، حالىق اتىنان ارنايى توسبەلگىلەرمەن ماراپاتتادى. بۇقارالىق سپورتتىڭ ءورىسى كەڭۋىنە، شالعايداعى اۋىل، اۋدانداردا سپورت نىساندارىنىڭ سالىنۋىنا دا ەرەن ەڭبەگىن ءسىڭىرىپ، قارجىسىن قۇيعان كاسىپكەرلەر دە ماراپاتقا كەنەلىپ، ىقىلاسقا بولەندى.

يت جىلىندا اتىراۋ وبلىسىنىڭ سپورتشىلارى الەمدىك دودالاردا ولجا سالدى، ەل ىشىندەگى ماڭىزدى باسەكەلەردە جۇلدەسىز قايتقان جوق. وتكەن جىلى تاۋەلسىزدىك مەرەكەسى قارساڭىندا اتىراۋدا ارالاس جەكپە-جەكتەن M-1 Challenge  حالىقارالىق تۋرنير ۇيىمداستىرىلدى. اتىراۋ وبلىستىق دەنەشىنىقتىرۋ جانە سپورت باسقارماسىنىڭ قولداۋىمەن وتكىزىلگەن «Challenge Battle in Atyrau» ءتۋرنيرى الەمنىڭ 100 مەملەكەتىنە تىكەلەي ەفيردە كورسەتىلدى. اتىراۋ وبلىسىنىڭ اتىمتاي-جومارت ازاماتتارىنىڭ  قولعا الىپ، مۇرىندىق بولۋىمەن وتكەن  م-1 Global سايىسى قازاق جەرىندە العاش رەت ۇيىمداستىرىلدى.

وسىنداي  ايتۋلى دودالاردى وتكىزۋ، ۇيىمداستىرۋ شارۋاسىنا شاش-ەتەكتەن كومەگىن كورسەتىپ جۇرگەن جاندار قانداي قۇرمەتكە دە لايىق. ەلدىڭ ىقىلاسى مەن حالىقتىڭ ماراپاتىنا بولەنىپ، قۇرمەتكە يە بولعان قايراتكەرلەردىڭ ءبىرى دە بىرەگەيى  – ەرلان حيسمەت ۇلى تابىلديەۆ. وبلىس اكىمى بەلگىلى كاسىپكەر، مىرزالىعى مول مەتسەنات ەرلان حيسمەت ۇلىنىڭ كەۋدەسىنە «دەنەشىنىقتىرۋ مەن سپورتتى دامىتۋعا قوسقان ۇلەسى ءۇشىن» توسبەلگىسىن تاعىپ، العىسىن ءبىلدىردى.

قۋانىش نۇردانبەك،

الماتى