تورەشى تاتيانا سوروكوپۋدوۆا ۋەفا-نىڭ ءبىرىنشى ساناتىن الدى

قازاقستان فۋتبول فەدەراتسياسى وتاندىق تورەشى تاتيانا سوروكوپۋدوۆا ايەلدەر اراسىنداعى ۋەفا تورەشىلەرىنىڭ ءبىرىنشى ساناتىنا كوتەرىلگەنىن حابارلادى.

-بۇل شەشىم تاتيانا سوروكوپۋدوۆانىڭ كاسىبي دەڭگەيىنىڭ وسكەنىن كورسەتەدى جانە ونىڭ كوپ جىلدىق ەڭبەگى، جۇيەلى دامۋى مەن ۇلتتىق ءارى حالىقارالىق دەڭگەيدەگى تۇراقتى جۇمىسىنىڭ ناتيجەسى سانالادى.

ۋەفا-نىڭ ءبىرىنشى ساناتىنا كوتەرىلۋى – ونىڭ جەكە جەتىستىكتەرىنىڭ مويىندالۋى عانا ەمەس، سونىمەن قاتار قازاقستانداعى تورەشىلىك جۇيەنىڭ بىرتىندەپ دامىپ كەلە جاتقانىن جانە ايەلدەر اراسىنداعى تورەشىلىكتىڭ حالىقارالىق ارەناداعى پوزيتسياسى نىعايىپ وتىرعانىن ايقىندايدى، — دەلىنگەن حابارلامادا.

قفف-نىڭ حابارلاۋىنشا، وسىعان دەيىن تاتيانا سوروكوپۋدوۆا ۋەفا اياسىنداعى حالىقارالىق ماتچتاردى باسقارىپ، سونداي-اق ەل ىشىندەگى جارىستاردا تۇراقتى تۇردە تورەشىلىك ەتىپ كەلدى. ونىڭ حالىقارالىق ويىندارعا تاعايىندالۋى دايىندىق دەڭگەيىنىڭ جوعارى ەكەنىن جانە ەۋروپالىق تورەشىلىك تالاپتارىنا تولىق ساي ەكەنىن كورسەتەدى.

-ءاربيتردىڭ ۋەفا-نىڭ ءبىرىنشى ساناتىنا كوتەرىلۋى – ەلدەگى تورەشىلەر كورپۋسىنىڭ دامۋىنداعى ماڭىزدى كەزەڭ. بۇل جەتىستىك، سونىمەن قاتار، ايەلدەر فۋتبولىنداعى تورەشىلەردى جۇيەلى تۇردە دايىنداۋ مەن قولداۋدىڭ ناقتى ناتيجەسىن ايقىندايدى، — دەلىنگەن ودان ءارى ماتەريالدا.

قازاقستان فۋتبول فەدەراتسياسى مەن Kazaips.kz جانە SportPress.kz اقپاراتتىق-ساراپتامالىق سپورت سايتتارى تاتيانا سوروكوپۋدوۆانى وسى جەتىستىگىمەن قۇتتىقتاپ، حالىقارالىق دەڭگەيدە الداعى جۇمىسىنا ساتتىلىك تىلەيدى.