SportPress.kz Qazaqstan sport jańalyqtary
Qazaqstan fýtbol federaııasy otandyq tóreshi Tatıana Sorokopýdova áıelder arasyndaǵy ÝEFA tóreshileriniń birinshi sanatyna kóterilgenin habarlady.
-Bul sheshim Tatıana Sorokopýdovanyń kásibı deńgeıiniń óskenin kórsetedi jáne onyń kóp jyldyq eńbegi, júıeli damýy men ulttyq ári halyqaralyq deńgeıdegi turaqty jumysynyń nátıjesi sanalady.
ÝEFA-nyń birinshi sanatyna kóterilýi – onyń jeke jetistikteriniń moıyndalýy ǵana emes, sonymen qatar Qazaqstandaǵy tóreshilik júıeniń birtindep damyp kele jatqanyn jáne áıelder arasyndaǵy tóreshiliktiń halyqaralyq arenadaǵy pozıııasy nyǵaıyp otyrǵanyn aıqyndaıdy, — delingen habarlamada.
QFF-nyń habarlaýynsha, osyǵan deıin Tatıana Sorokopýdova ÝEFA aıasyndaǵy halyqaralyq matchtardy basqaryp, sondaı-aq el ishindegi jarystarda turaqty túrde tóreshilik etip keldi. Onyń halyqaralyq oıyndarǵa taǵaıyndalýy daıyndyq deńgeıiniń joǵary ekenin jáne eýropalyq tóreshilik talaptaryna tolyq saı ekenin kórsetedi.
-Arbıtrdiń ÝEFA-nyń birinshi sanatyna kóterilýi – eldegi tóreshiler korpýsynyń damýyndaǵy mańyzdy kezeń. Bul jetistik, sonymen qatar, áıelder fýtbolyndaǵy tóreshilerdi júıeli túrde daıyndaý men qoldaýdyń naqty nátıjesin aıqyndaıdy, — delingen odan ári materıalda.
Qazaqstan fýtbol federaııasy men Kazaips.kz jáne SportPress.kz aqparattyq-saraptamalyq sport saıttary Tatıana Sorokopýdovany osy jetistigimen quttyqtap, halyqaralyq deńgeıde aldaǵy jumysyna sáttilik tileıdi.
