Aýyr atletter tórt altyn júlde jeńip aldy

Keshe Qyrǵyz Respýblıkasynyń Bishkek qalasynda Olımpıada chempıony Qanybek Osmonalıevtiń júldesine arnalǵan aýyr atletıkadan XXXVII halyqaralyq týrnır bastaldy. Ol 26 jeltoqsanda bitedi.

Týrnır Qanybek Osmonalıevtiń 1980 jyly Máskeý qalasynda ótken Olımpıada oıyndaryndaǵy jeńisiniń 45 jyldyǵyna oraı uıymdastyryldy. Oǵan Qyrǵyzstan, Qazaqstan, О́zbekstan, Ázerbaıjan jáne Tájikstan elderinen 141 sportshy qatysyp jatyr.

Búgin ulttyq quramanyń ókili Aqmolda Saıramkez óner kórsetti. Ol julqa kóterýde 120 kg, serpe kóterýde 155 kg salmaqty kóterdi.

Bes tásildi sátti oryndap, qos saıystyń qorytyndysy boıynsha 275 kg nátıjemen 1-oryndy ıelendi. Bul kórsetkish Qyrǵyz Respýblıkasynyń sportshysy, ekinshi oryn alǵan qarsylasynan 34 kg-ǵa joǵary boldy. Qola júldeni О́zbekstan sportshysy 234 kg nátıjemen jeńip aldy.

Ulttyq quramanyń qorjynynda tórt altyn jáne bir kúmis júlde bar.

Aqmolda Saıramkez (65 kelige deıin), Aıanat Jumaǵalı (77 kelige deıin), Sanııa Ormanbaeva (86 kelige deıin), Aqerke Baımanap (86 keliden joǵary) jarysta altyn júldege ıe boldy. Al Marta Davletııarova (77 kelige deıin) jarysty ekinshi orynmen aıaqtady.

Dastan KENJALIN,

ASTANA