SportPress.kz قازاقستان سپورت جاڭالىقتارى
تۋريزم جانە سپورت مينيسترلىگى بيىلعى جىلدىڭ قورىتىندىسى بويىنشا سپورت سالاسىنداعى ۇزدىك سپورتشىلاردى، جاتتىقتىرۋشىلاردى، مامانداردى، سپورت ۇيىمدارى مەن سالا وكىلدەرىن ماراپاتتاۋ ماقساتىندا «ۇزدىك – 2025» رەسپۋبليكالىق سىيلىعىنىڭ لاۋرەاتتارىن ماراپاتتاۋ ءراسىمىن وتكىزدى، دەپ حابارلادى اتالعان ۆەدومستۆو.
كونكۋرستىق كوميسسيا شەشىمىمەن «جىلدىڭ ۇزدىك سپورتشىسى» اتالىمى بويىنشا ايەلدەر بوكسىنان ەكى دۇركىن الەم چەمپيونى جانە الەم كۋبوگىنىڭ كۇمىس جۇلدەگەرى الۋا بالقىبەكوۆا، گرەك-ريم كۇرەسىنەن بيىلعى الەم چەمپيونى، ازيا چەمپيونى، قازاقستاننىڭ ەڭبەك سىڭىرگەن سپورت شەبەرى ايدوس سۇلتانعالي، سونداي-اق، XXV جازعى سۋردليمپيادانىڭ جەڭىل اتلەتيكادان جەڭىمپازى فاينا مەيرمانوۆا ۇزدىك دەپ تانىلدى.
ال «جىلدىڭ ۇزدىك جاتتىقتىرۋشىسى» اتالىمىندا الۋا بالقىبەكوۆانىڭ جەكە جاتتىقتىرۋشىسى دولكۋنجان كامەكوۆ پەن ايدوس سۇلتانعاليدى دايىنداعان رايىمبەك عابيدەن لاۋرەات اتاندى.
قازاقستان بوكس فەدەراتسياسى «جىلدىڭ ۇزدىك اككرەديتتەلگەن سپورت فەدەراتسياسى» اتاعىنا يە بولدى. فەدەراتسيا ۇلتتىق قۇرامانىڭ 2025 جىلعى الەم چەمپيوناتىنداعى ۇزدىك ناتيجەلەرى مەن سپورتشىلاردى جۇيەلى تۇردە قولداعانى ءۇشىن ماراپاتتالدى.
سونداي-اق الماتى وبلىسىنىڭ دەنە شىنىقتىرۋ جانە سپورت باسقارماسى «ۇلتتىق جانە ات سپورتى تۇرلەرى بويىنشا سپورتتى دامىتۋ ديرەكتسياسى» «جىلدىڭ ۇزدىك سپورت ۇيىمى» اتاندى. جىل قورىتىندىسى بويىنشا ۇيىم 12 ۇلتتىق جانە ات سپورتى ءتۇرى بويىنشا 837 سپورتشىنى دايىنداپ، 53 رەسمي جارىستا 85مەدال جەڭىپ العان. ونىڭ 28-ءى – التىن.
«جىلدىڭ ۇزدىك سپورت ءوڭىرى» اتالىمى بويىنشا قىزىلوردا وبلىسى جەڭىمپاز دەپ تانىلدى. قازىرگى تاڭدا وڭىردە 377 مىڭ ادام، ياعني تۇرعىنداردىڭ 44،6 پايىزى سپورتپەن جۇيەلى تۇردە اينالىسادى. كەيىنگى جىلدارى وبلىستا سپورت ينفراقۇرىلىمى قارقىندى دامىپ، ءوڭىر سپورتشىلارى رەسپۋبليكالىق جانە حالىقارالىق جارىستاردا جاقسى ناتيجەلەرگە جەتىپ ءجۇر.
«اۋىلدىق جەردەگى ۇزدىك دەنە شىنىقتىرۋ جانە سپورت نۇسقاۋشىسى» اتالىمى جامبىل وبلىسى ت. رىسقۇلوۆ اۋدانى قۇمارىق اۋىلدىق وكرۋگىنىڭ سپورت نۇسقاۋشىسى سەرجان بادەنوۆكە بۇيىردى. ول بۇقارالىق سپورتتى دامىتۋعا، جارىستار ۇيىمداستىرۋعا جانە اۋىل جاستارىن جۇيەلى تۇردە سپورتقا تارتۋعا ەلەۋلى ۇلەس قوسقان.
«اۋداندىق ۇزدىك دەنە شىنىقتىرۋ جانە سپورت ءبولىمى» اتالىمىندا قاراعاندى وبلىسى قارقارالى اۋدانىنىڭ دەنە شىنىقتىرۋ جانە سپورت ءبولىمى ۇزدىك دەپ تانىلدى. قارقارالى اۋدانىندا رەسپۋبليكالىق جانە وبلىستىق دەڭگەيدەگى سپورتتىق ءىس-شارالار جۇيەلى تۇردە وتكىزىلىپ، سپورتپەن تۇراقتى اينالىساتىن تۇرعىنداردىڭ ۇلەسى 41،3 پايىزعا جەتكەن.
«جىلدىڭ ۇزدىك اۋىل جاتتىقتىرۋشىسى» اتالىمىندا قوستاناي وبلىسى بەيىمبەت مايلين اۋدانىنىڭ بالالار-جاسوسپىرىمدەر سپورت مەكتەبىنىڭ شاڭعى جارىسى جاتتىقتىرۋشىسى ۆلاديمير شالىگين جەڭىمپاز اتاندى. ول سپورتشىلاردى ۇلتتىق جانە وبلىستىق قۇرامالارعا، سونداي-اق قازاقستان چەمپيوناتتارىنىڭ جەڭىمپازدارى مەن جۇلدەگەرلەرىنە دايىنداعان.
«دەنە شىنىقتىرۋ جانە سپورت سالاسىنىڭ ۇزدىك مامانى» ماراپاتى استانا قالاسىنىڭ«سپورتتى دامىتۋ ديرەكتسياسى» رمك ينسپەكتورلىق-اناليتيكالىق ءبولىمىنىڭ ادىسكەرى مەيرام نۇرتازينگە تابىستالدى. ول حالىقارالىق جارىستاردا، سونىڭ ىشىندە ازيا ويىندارىندا كورسەتكەن اناليتيكالىق قولداۋى ءۇشىن ۇزدىك دەپ تانىلدى.
«جىلدىڭ ۇزدىك بالالار جاتتىقتىرۋشىسى» اتالىمى جاسوسپىرىمدەر اراسىنداعى (U17) الەم چەمپيونى مادحيا ۋسمانوۆانى دايىنداعان حيسلات ماممەتوۆكە بەرىلدى.
«اۋىلدىق جەردەگى ۇزدىك دەنە شىنىقتىرۋ جانە سپورت ادىسكەرى» اتالىمىمەن اقتوبە وبلىسى ىرعىز اۋدانىنداعى بالالار مەن جاسوسپىرىمدەر سپورت مەكتەبىندە قىزمەت ەتەتىن التىنبەك ساربۋپين ماراپاتتالدى. ول كۇرەس ءتۇرىن دامىتۋعا جانە ادىستەمەلىك جۇمىسقا كوپ جىلدىق ۇلەس قوسقان.
«سپورتتاعى جىل سەرپىنى» اتالىمى «قايرات» فۋتبول كلۋبىنىڭ ويىنشىسى داستان ساتپاەۆقا تابىس ەتىلدى. «جاسوسپىرىمدەر جانە جاستار قۇراماسىنىڭ سپورتشىسى» اتالىمىندا كوركەم گيمناستيكادان قازاقستاننىڭ ءابسوليۋتتى چەمپيونى، ازيا جانە الەم چەمپيونى اقمارال ەرەكەشوۆا، فريستايل-اكروباتيكادان الەم چەمپيونى دىنمۇحاممەد رايمقۇلوۆ جانە اۋىر اتلەتيكادان الەم چەمپيونى كسەنيا پروزوروۆا لاۋرەات اتاندى.
«جىلدىڭ ۇزدىك سپورت مەتسەناتى» اتالىمى FREEDOM كومپانياسىنا بەرىلدى. كومپانيا وڭىردە سپورت ينفراقۇرىلىمىن دامىتۋعا ۇلەس قوسقان.
سونىمەن قاتار سەيداحمەت بەردىقۇلوۆ اتىنداعى «ۇزدىك سپورت ءجۋرناليسى» بايقاۋىنىڭ جەڭىمپازدارى انىقتالدى.
«ۇزدىك تەلەجوبا» اتالىمىمەن Qazsport تەلەارناسىنىڭ باس رەداكتورى ازات سماعۇلوۆ ماراپاتتالسا، «ۇزدىك سپورتتىق جاريالانىم» اتالىمى بويىنشا قانات بايۇزاقوۆ (Elordainfo.kz) پەن اسەل ابىلبەك (Baq.kz) ۇزدىك دەپ تانىلدى. ال «ۇزدىك فوتورەپورتاج» اتالىمى تۇرار قازانعاپقا بۇيىردى.
