SportPress.kz Qazaqstan sport jańalyqtary
Shańǵy qossaıysshysy Bekarys Atybek elde óner kórsetip, qurmet tuǵyrynyń eń bıik satysynan kórinip júrgen talantty sportshy. Ol Fınlıandııa, Norvegııa, Polsha men Reseıde jalaýy kóterilgen jarystarǵa qatysyp, kózge túsken.
Qazir Taraz qalasynan shyqqan sportshy ulttyq qurama deńgeıine deıin kóterilip, FIS jáne Continental Cup jarystaryna qatysyp júr. Bul deńgeıde Skandınavııa mektepteri men qysqy sport túrleriniń eń myqty ókilderi basymdyqqa ıe.
Shańǵy qossaıysynda kezdeısoq starttar bolmaıdy. Eger sportshy Fınlıandııa nemese Norvegııadaǵy tramplınder men trassalarda jarysqa shyqsa, bul onyń atalǵan sport túriniń álemdik júıesine engenin bildiredi. Búginde Qazaqstan Respýblıkasynyń sport sheberi, ulttyq quramanyń múshesi Bekarys Atybek dál osy deńgeıde baq synap júr.
Ol 2003 jyldyń 4 sáýirinde Taraz qalasynda týǵan. Bul qala úlken qysqy sportqa aparatyn negizgi ortalyqtardyń qataryna kirmeıdi. 2015 jyly Almaty qalasyna qonys aýdaryp, sol jyly Bekarys shańǵy qossaıysyn tańdady. Bul — tramplınnen sekirý men shańǵy jarysyn biriktiretin, nátıjege jetý joly syrt kózge kóringennen áldeqaıda uzaq sport túri.
Alǵashqy tabysty qadamdar jasóspirimder deńgeıinde baıqaldy. 2015 jyly ol Qazaqstan Respýblıkasynyń II qysqy jasóspirimder oıyndarynda jeńimpaz ári júldeger atandy. Al 2019 jyly QR III qysqy jasóspirimder oıyndarynda top jardy. Bul jarystar onyń jastar jáne eresekter sportyna ótýine berik negiz qalady.
2019 jyly Bekarys sport sheberine kandıdat normatıvin oryndady. 2020 jyly Qysqy sport túrleri boıynsha Olımpıadalyq daıarlaý ortalyǵyna qabyldanyp, Qazaqstannyń jasóspirimder quramasyna endi. Al 2021 jyly Qazaqstan Respýblıkasynyń sport sheberi ataǵyn alyp, Qazaqstan Respýblıkasynyń Ulttyq Olımpıadalyq komıteti arqyly ulttyq qurama sapyna qosyldy.
Osy kezeńnen bastap onyń sporttyq mansabyndaǵy halyqaralyq kezeń bastaldy. 2021 jyly Bekarys Reseıdiń Nıjnıı Tagıl qalasynda ótken Continental Cup jarystarynda debıýt jasady. Bul jarystarda dástúrli túrde Reseı men Eýropanyń eń myqty sportshylary qatysady. Sol jyly ol Fınlıandııanyń Rýka qalasynda ótken Continental Cup kezeńderinde de óner kórsetti. Rýka — Skandınavııadaǵy shańǵy qossaıysynyń basty ortalyqtarynyń biri.
2022 jyly sportshy Polshanyń Zakopane qalasynda ótken FIS Junior World Ski Championships álem chempıonatyna (onyń ishinde komandalyq jarystarǵa) qatysty. Sonymen qatar Norvegııanyń Notodden qalasynda ótken FIS Cup kezeńderinde baq synady.
Halyqaralyq starttarmen qatar, Bekarys el ishindegi jarystarda da óz deńgeıin turaqty túrde dáleldep keledi. 2018–2024 jyldar aralyǵynda ol Qazaqstan Respýblıkasynyń chempıonattary men kýboktarynda únemi júldeli úshtikke enip, el birinshiligi men ulttyq kýbok jarystarynda júldeli oryndarǵa ıe boldy.
Bekarys Atybektiń sporttyq qalyptasýynda Almaty qalasynyń shańǵy tramplıninen sekirý boıynsha aǵa jattyqtyrýshysy Kýrganskıı Vladımır Vıktorovıchtiń eńbegi erekshe.
-Atybek Bekarys sońǵy jeti jyl boıy meniń jetekshiligimde jattyqty. Osy ýaqyt ishinde ol ózin eń jaqsy qyrynan kórsete bildi. Onyń eńbekqorlyǵy, jattyǵý proesine degen jaýapkershilikti kózqarasy jáne jattyqtyrýshy men sportshy arasyndaǵy adamı qarym-qatynasy árdaıym joǵary deńgeıde boldy, — dedi jattyqtyrýshy.
Daıyndyq proesi jasóspirim jastan bastalyp, kezeń-kezeńimen júrgizildi. Ýaqyt óte kele Bekarys úlken tramplınderge aýysyp, respýblıkalyq jarystardan bastap jastar jáne eresekter arasyndaǵy Qazaqstan chempıonattaryna deıingi deńgeıge kóterildi. Nátıjesinde ol bul jarystarda júldeli oryndarǵa ıe bola bastady.
Bapkerdiń aıtýynsha, Bekarys 90 jáne 120 metrlik úlken tramplınderde ózin erekshe jaqsy qyrynan kórsetti. Bul onyń jarystardaǵy nátıjelerimen tolyq dáleldenedi. Jattyǵý proesi Almaty qalasyndaǵy zamanaýı sporttyq keshende ótti, bul sapaly daıyndyqqa tolyq múmkindik berdi.
-Bizdiń sport túrimiz sportshydan joǵary deńgeıdegi shoǵyrlanýdy talap etedi. Bekarys bul talaptardy tolyq oryndaı bildi. Ol jattyqtyrýshylar quramymen tıimdi jumys istep, berilgen baǵdarlamany adal ári tolyq oryndady, — dep atap ótti Kýrganskıı.
Aıta keterligi, sporttyq mansap Bekarys úshin jalǵyz baǵyt bolǵan joq. Ol Respýblıkalyq sport kolledjin támamdap, keıin Narhoz ýnıversıtetiniń Ekonomıkalyq kolledjin «Bank isi» mamandyǵy boıynsha aıaqtady.
Búginde Bekarys Atybek — Qazaqstannyń FIS jáne Continental Cup jarystaryndaǵy turaqty qatysýyn qalyptastyryp júrgen sportshylardyń biri. Onyń joly — bir sáttik tabystyń emes, óńirden shyǵyp, norvegııalyqtar men fındermen, sondaı-aq álemdegi eń myqty qysqy sport mektepteriniń ókilderimen básekege túsetin deńgeıge júıeli eńbek arqyly jetýdiń aıqyn úlgisi
Rústem JUMAN,
ASTANA
