SportPress.kz Qazaqstan sport jańalyqtary
Búgin Almaty oblystyq máslıhatynyń depýtaty Nursultan Jumabaıuly Orynbasarov pen Tótenshe jaǵdaılar mınıstrliginiń qyzmetkeri, leıtenant Sara Baqtybaıqyzy Rahmonova jańa Konstıtýııany qabyldaý jónindegi respýblıkalyq referendýmda daýys berýge qatysty.
Oblystyq máslıhat depýtaty Ile aýdany, Muhametjan Túımebaev aýylyndaǵy «Keleshek» mektebiniń ǵımaratynda ornalasqan №1058 daýys berý ýchaskesinde tańdaý jasady. Sport pen memlekettik qyzmetti qatar alyp júrgen tanymal jup saılaý ýchaskesine bir jasar qyzdary Tomırısti erte keldi.
Nursultan Orynbasarov — «Sagadat Batyr» sport klýbynyń negizin qalaýshy jáne 5000-nan astam shákirt tárbıelegen bilikti maman. Búginde ol Qorǵanys mınıstrliginiń qoldaýymen júzege asyp jatqan «Sarbaz+» jobasy aıasynda áskerı qyzmetshiler men arnaıy jasaq ókilderiniń kásibı daıyndyǵyn shyńdaýǵa, otandyq ásker salasyna djıý-djıtsý sportyn engizýge jetekshilik etedi.
Al onyń jary Sara Rahmonova — qoıan-qoltyq urystan qazaq qyzdary arasyndaǵy tuńǵysh úsh dúrkin álem chempıony. Qazirgi tańda TJM qutqarýshylary qatarynda abyroıly qyzmet atqaryp júrgen ofıer.
— Kóńil-kúıimiz jaqsy. Búgin — elimizdiń bolashaǵy úshin aıryqsha kún. Biz búgin tek azamattyq quqyǵymyzdy paıdalanyp qana qoıǵan joqpyz, biz qyzymyzdyń, shákirtterimizdiń jáne elimizdiń erteńi úshin jaýapkershilik tanyttyq. Barsha qazaqstandyqtardy, ásirese jastardy saılaý ýchaskelerine baryp, óz tańdaýlaryn jasaýǵa shaqyramyn. Árbir daýys — eldiń erteńine qosylǵan úles, — dedi jýrnalısterge bergen suhbatynda Nursultan Orynbasarov.
Sporttyq qaısarlyqty memlekettik qyzmettegi jaýapkershilikpen ushtastyryp júrgen tanymal juptyń bul qadamy jas býyn men aýyl turǵyndary arasynda úlken qoldaýǵa ıe boldy.
Naıma NURALI
