О́mirlerine serpin bergen jarys

Áz-Naýryz meıramyna oraı elimizdiń ár óńirinde sporttyq oıyndar  bolyp ótti. Sondaı berekeli, merekeli  kúnniń aıasynda ótken is-sharanyń biri Almaty oblysy Ile aýdanynyń О́tegen kentinde uıymdastyryldy.  

Negizi  О́tegen kentinde ardagerleri sporty óte jaqsy damyp keledi. Osy óńirdegi sportqa janashyr maıtalmandardyń atsalysýmen sporttyń ár túrinen ardagerler arasynda baıraqty jarystar ótkizilip keledi. Shaǵyn fýtboldan Naýryz meıramyna qatysty uıymdastyrylǵan ardagerler jarysynda «syrly aıaqtyń syry ketse de syny ketpegen», demekshi boılarynda qýaty bar, sheberligi zor burynǵy sport ardagerleriniń tartysty oıyndary jarysty tamashalýǵa kelgenderge úlken áser qaldyrdy.

Týrnırge Almaty oblysy men Almaty qalasynan qatysqan segiz komandanyń ishinde sapaly ári tartysty oıyndy kórsetken ardager jýrnalısterden jasaqtalǵan  «Qalamger» komandasy da bar edi. Kópshiligi  «Qazaq sporty»  gazeteniń ujymynan quralǵan «Qalamger» komandasynyń oıynshylarynyń kórsetken  sapaly sátti oıyndaryna jankúıerlerdiń yqylasy zor boldy. Ásirese, aty alashqa áıgili kúmis kómeı ánshi, kompozıtor Kenen Ázirbaev atamyzdyń týǵan nemeresi Murat Kenenovtiń de qalamgerler komandasynyń quramyna qosylyp tepken doby múlt ketpeı, qarsylastardyń  qaqpasynyń  ishinen tabylyp jatty.

Týrnır sońynda ár nomınaııa boıynsha úzdikter baǵaly syılyqtarmen marapattaldy.   Týrnırdiń  «Úzdik shabýylshysy», «Úzdik oıynshysy», «Úzdik qorǵaýshysy» «Úzdik qaqapashysy» marapattary boıynsha top jaryp tamasha oıyn kórsetkender baǵaly syılyqtarmen qurmetpen marapattaldy.

Jarysty uıymdastyrýshy elge belgili jýrnalıst, jazýshy Álim Anapııanov aǵamyzdyń arqasynda týrnır óte jaqsy deńgeıde bolyp ótti. Álim aǵamyz árqashanda osy Ile aýdanynyń ardagerleriniń basyn qosyp, izgi iske uıytqy bolyp júrgenin jergilikti jurt jıi aıtady. Sonymen qatar ardager qalamger aǵamyz sport salasynda jaryq kórgen 10 astam kitaptyń avtory.

Dodada Álim Anapııanov óziniń sońǵy jazyp shyǵarǵan «Narodnyı trener», «Halyq bapkeri» degen  sııasy jańadan kepken kitabyn úzdik oıynshylarǵa tartý etti.

Ardagerler kóktem merekesinde osylaısha kún uzaq jasyl alańda bar sheberlikterin salyp, fýtboldan alǵan sheksiz áserlerine rıza bolyp úılerine tarqasty. Sport — densaýlyq kepili. О́zderin qoǵamnyń bir bólshegi dep sanamaıtyn sport ardagerleri úshin osyndaı jarystardyń ótkizilip turýy óte mańyzdy. Eń bastysy, osylaısha ár ýaqytta qozǵalysta bolý, ıaǵnı sportpen aınalysyp salaýatty ómir súrý ardager jandarǵa taptyrmas em, dem ári ómirlerine serpin beredi.

 

Aqyn ORDABAIULY

Almaty oblysy

Ile aýdany О́tegen kenti