رىباكينا تورونتو تۋرنيرىنەن قانشا اقشا تاپتى؟

قازاقستاننىڭ ۇزدىك تەننيسشىسى، الەمنىڭ ەكىنشى راكەتكاسى ەلەنا رىباكينا كانادانىڭ تورونتو قالاسىندا وتكەن WTA 1000 ساناتىنداعى ءتۋرنيردىڭ فينالىنا شىققانى ءۇشىن قوماقتى سىياقى الدى، دەپ حابارلايدى Egemen.kz.

تەننيسشى فينالدا پولشانىڭ سپورتشىسى يگا شۆيونتەكتەن 0:2 ەسەبىمەن (2:6، 3:6) ەسە جىبەردى. سولاي بولسا دا ول جارىستىڭ سوڭعى ويىنىنا شىعىپ، فيناليست اتانعانى ءۇشىن 564 920 دوللار (262،8 ميلليون تەڭگە) سىياقى الدى.

فينال 13 تامىزدان 14 تامىزعا قاراعان ءتۇنى بولدى. ماتچ 1 ساعات 16 مينۋتقا سوزىلدى.

شۆيونتەك بىردە-ءبىر ەيس جاسامادى. ءبىر رەت قانا قاتەلەستى. برەيك-پوينتتاردىڭ بەسەۋىنىڭ تورتەۋىن پايدالاندى. ال رىباكينا ءبىر ەيس جاساپ، ءتورت رەت قاتەلىك جىبەردى. وتانداسىمىز وزىنە بەرىلگەن ەكى برەيك-پوينتتىڭ ءبىرىن دە پايدالانا المادى.

Canadian Open ءتۋرنيرىنىڭ جۇلدە قورى 1 ميلليون 85 مىڭ 200 دوللارى بولدى.

رىباكينا فينالعا شىققانى ءۇشىن الەمدىك رەيتينگتە 650 ۇپاي يەلەندى. ول فينالعا دەيىن «ۇلكەن دۋلىعا» تۋرنيرلەرىنىڭ  جەڭىمپازدارى — ناومي وساكا مەن كوري گاۋففتى جەڭدى. سوڭعىسىنان كامبەك جاساپ، جەڭىسكە جەتتى.

داستان كەنجالين،

استانا