مەسسي ارگەنتينا قۇراماسىمەن قوشتاسادى

ليونەل مەسسي ارگەنتينا ۇلتتىق قۇراماسى كومانداسىنىڭ جەيدەسىندە سوڭعى رەت الاڭعا شىعاتىنىن ايتتى.

ESPN Argentina ارناسىنىڭ مالىمەتىنە قاراعاندا، مەسسي 6 قازاندا ۇلتتىق قۇراما ساپىنا ارنايى شاقىرىلىپ، ويىنشى رەتىندە ارگەنتينا قۇراماسىمەن رەسمي تۇردە قوشتاسادى. وسىلايشا ارگەنتينا ەلى كوزى تىرىسىندە اتى اڭىزعا اينالعان فۋتبولشىعا قۇرمەت كورسەتىپ، ونى ۇلتتىق قۇرامادان سالتاناتتى تۇردە شىعارىپ سالۋدى جوسپارلاپ وتىر.

بۇعان دەيىن مەسسي ارگەنتينا قۇراماسىنان كەتىپ، جاستارعا جول بەرگىسى كەلەتىنىن ايتىپ جۇرگەن ەدى. ەندى مىنە، سول ۋاقىت تا جاقىنداپ قالعان سياقتى.

مەسسي – الەم چەمپيونى، وليمپيادا چەمپيونى، امەريكا كۋبوگىن ەكى رەت جەڭىپ العان. سەگىز دۇركىن «التىن دوپ» يەگەرى. التى رەت «التىن بۋتسى» جۇلدەسىن يەلەنگەن.

قازىر ول اقش-تىڭ «ينتەر مايامي» كلۋبىنىڭ شابۋىلشىسى. وسى كوماندانىڭ كاپيتانى.

ارگەنتينانىڭ بۇرىنعى شابۋىلشىسى كارلوس تەۆەس ۇلتتىق قۇرامامەن قوشتاسۋ ماتچىنا مەسسي مەن رونالدۋ ءبىر كوماندادا ويناۋعا شاقىرىپ وتىر. ەگەر ەكەۋى كەلىسىمىن بەرسە، اتاقتى فۋتبولشىلار جەلتوقسان ايىندا بۋەنوس-ايرەستەگى «لا بومبونەرا» ستاديونىندا بىرگە جاسىل الاڭعا شىعادى.

مەسسي ۇلتتىق قۇرامادان كەتكەننەن كەيىن يسپانيانىڭ تاعى ءبىر فۋتبول كلۋبىن ساتىپ الۋى مۇمكىن. ول يسپانيانىڭ ەكىنشى ديۆيزيونىندا ونەر كورسەتەتىن «ەلدەنسە» كلۋبىن ساتىپ الۋعا الدىن الا كەلىسىمگە كەلىپتى.

داستان كەنجالين،

استانا