نۇرسۇلتان ورىنباساروۆ قازاقستان حالىق كەڭەسىنىڭ قۇرامىنا كىردى

سپورتشى ءارى جاتتىقتىرۋشى نۇرسۇلتان ورىنباساروۆ قازاقستان حالىق كەڭەسىنىڭ قۇرامىنا كىردى.

مەملەكەت باسشىسى قاسىم-جومارت توقاەۆتىڭ 22 قىركۇيەكتەگى №1474 جارلىعىمەن قازاقستان حالىق كەڭەسىنىڭ جاڭا قۇرامى بەكىتىلدى.

كەڭەس قۇرامىنا بارلىعى 126 ازامات ەندى. ولاردىڭ قاتارىندا قوعام قايراتكەرلەرى، دەپۋتاتتار، ساراپشىلار، كاسىپكەرلەر، عالىمدار، مادەنيەت جانە سپورت سالاسىنىڭ وكىلدەرى بار.

تىزىمدە نۇرسۇلتان ورىنباساروۆ 88-ءشى بولىپ كورسەتىلگەن. ول الماتى وبلىسى ءماسليحاتىنىڭ دەپۋتاتى ءارى ساعادات نۇرماعامبەتوۆ اتىنداعى «Sagadat Batyr» سپورت كلۋبىنىڭ ديرەكتورى رەتىندە تانىستىرىلعان.

ورىنباساروۆ — دجيۋ-دجيتسۋدان سپورت شەبەرى، گرەپپلينگتەن ازيا چەمپيونى، مما شەبەرى. ول سونداي-اق «Sagadat Batyr» سپورت كلۋبىنىڭ نەگىزىن قالاۋشى رەتىندە جاس سپورتشىلاردى جارىسقا دايىنداپ كەلەدى.

نايما نۇرالي،

استانا