Nursultan Orynbasarov Qazaqstan Halyq Keńesiniń quramyna kirdi

Sportshy ári jattyqtyrýshy Nursultan Orynbasarov Qazaqstan Halyq Keńesiniń quramyna kirdi.

Memleket basshysy Qasym-Jomart Toqaevtyń 22 qyrkúıektegi №1474 Jarlyǵymen Qazaqstan Halyq Keńesiniń jańa quramy bekitildi.

Keńes quramyna barlyǵy 126 azamat endi. Olardyń qatarynda qoǵam qaıratkerleri, depýtattar, sarapshylar, kásipkerler, ǵalymdar, mádenıet jáne sport salasynyń ókilderi bar.

Tizimde Nursultan Orynbasarov 88-shi bolyp kórsetilgen. Ol Almaty oblysy máslıhatynyń depýtaty ári Saǵadat Nurmaǵambetov atyndaǵy «Sagadat Batyr» sport klýbynyń dırektory retinde tanystyrylǵan.

Orynbasarov — djıý-djıtsýdan sport sheberi, grepplıngten Azııa chempıony, MMA sheberi. Ol sondaı-aq «Sagadat Batyr» sport klýbynyń negizin qalaýshy retinde jas sportshylardy jarysqa daıyndap keledi.

Naıma NURALI,

ASTANA