Alekseı Lýenko alty dúrkin Azıada chempıony atandy

Japonııanyń Aıchı prefektýrasy men onyń ortalyǵy Nagoıa qalasynda ótip jatqan HH jazǵy Azııa oıyndarynda Qazaqstan qurama komandasynyń qorjyny taǵy bir altyn medalmen tolyqty.

Tas joldaǵy velosporttan erler arasyndaǵy toptyq jarysta Alekseı Lýenko top jardy.

Veloshabandoz 4 saǵat 13 mınýt 11 sekýndta máre syzyǵyn birinshi bolyp kesti. Bul – Lýenkonyń bıylǵy Azııa oıyndaryndaǵy ekinshi altyn júldesi. Ol jarystyń alǵashqy kúninde jekeleı synda da chempıon atanǵan edi.

Osy jeńisinen keıin Alekseı Lýenkonyń qaltasyna jazǵy Azııa oıyndaryndaǵy altynshy altyn medal tústi.  Osylaısha ol Azıada tarıhynda eń kóp altyn júlde jeńip alǵan otandyq sportshy atandy.

Lýenkonyń Azıadadaǵy nátıjesi:

Inchhon-2014 – 1 altyn júlde;

Djakarta-2018 – 2 altyn medal;

Hanchjoý-2022 – 1 altyn, 1 kúmis júlde;

Aıchı-Nagoıa-2026 – 2 altyn medal.

Buǵan deıin bul rekord kanoede eskek esýden Konstantın Negodıaevqa tıesili edi. Ol Hırosıma men Bangkokta ótken Azııa oıyndarynda jalpy 5 altyn medal jeńip alǵan bolatyn.

Alekseı Lýenko – Qazaqstan velosportynyń tanymal ókilderiniń biri. Ol 2012 jáne 2013 jyldary U23 sanatynda álem chempıony atanyp, Parıj–Nıa men Výelta Ispanııa jarystarynyń kezeńderinde jeńiske jetken.

 

Dastan KENJALIN,

ASTANA