Qazaq balýandary AQSh-ta álem chempıony atandy

AQSh-tyń Las-Vegas qalasynda ótip jatqan 23 jasqa deıingi sportshylar arasyndaǵy álem chempıonatynda elimiz úshin tarıhı oqıǵa boldy.

Bul dúrmekti dodada  Aıbek Aıtbekov pen Iýsýf Ashrapov grek-rım kúresinen álem chempıony atandy. Sóıtip, Qazaqstan balýandary U23 álem chempıonaty tarıhynda alǵash ret bir jarysta eki altyn medal jeńip aldy. Sonymen qatar, Temirlan Turdaqyn fınalǵa shyǵyp, Djohar Ýzarov qola medal úshin kúresýge múmkindik aldy.

«Aıbek Aıtbekov 60 keli salmaqta kúresip, jarysty bes jeńispen aıaqtady. Ol alǵashqy beldesýinde grýzııalyq Gıorgı Kochalıdzeni 9:5 esebimen jeńse, kelesi kezeńde Reseıdegi qandasymyz, Omby qalasynyń turǵyny Álibek Ámirden 9:0, shırek fınalda japonııalyq Seıma Tokýharadan 7:3 esebimen basym tústi.

Odan keıin jartylaı fınalda ýkraınalyq Evgen Pokovbany 5:4 esebimen jeńip, fınalda Ázerbaıjan ókili Elmır Álıevpen beldesti. Fınalda qarsylasyn 13:4 esebimen jeńip, álem chempıony atandy», dep habarlady Qazaqstan kúres federaııasynyń baspasóz qyzmeti.

72 kelide Iýsýf Ashrapov ta altyn júldege ıe boldy. Fınalda ol Armenııa ókili Gaspar Terterıannan 4:3 esebimen aılasyn asyrdy. Buǵan deıin jartylaı fınalda Túrkııa balýany Ibrahım О́zdemırdi 47 sekýndta taza jeńip, fınalǵa joldama alǵan bolatyn.

Qazaqstan kúres federaııasynyń baspasóz qyzmetiniń habarlaýynsha, fınalǵa taǵy bir otandasymyz joldama aldy. 87 keli salmaqta synǵa túsken Temirlan Turdaqyn jartylaı fınalda Reseı balýanyn 2:1 esebimen jeńip, álem chempıonatynyń altyn medali úshin beldesýge múmkindik aldy. Endi Temirlan fınalda Iran ókili Iasın Álı Iazdımen kúresedi.

130 kelide Djohar Ýzarov jartylaı fınalǵa deıin jetti. Fınalǵa shyǵar beldesýde ol Reseı balýanyna 0:5 esebimen ese jiberdi. Endi Djohar álem chempıonatynyń qola medali úshin beldesedi.

«Osylaısha, Qazaqstan quramasynan birden úsh balýan U23 álem chempıonatynyń fınalyna shyqty. Aıbek Aıtbekov pen Iýsýf Ashrapov altyn medal ıelenip úlgerse, Temirlan Turdaqynnyń sheshýshi beldesýi alda. Djohar Ýzarov bolsa qola júlde úshin kúresti jalǵastyrady», delingen habarlamada.

Las-Vegastaǵy U23 álem chempıonaty 18 qazanda óz máresine jetedi. Grek-rım kúresinen básekeler jalǵasyp, odan keıin áıelder jáne erkin kúres balýandary jarys jolyna shyǵady.

Osyǵan deıin 2023 jyly grek-rım kúresinen U23 sanatyndaǵy álem chempıonatynda Sultan Ásetuly ǵana altyn júlde alǵan edi. Al chempıonattyń ózi 2017 jyldan bastap ótkizilip keledi.

Dastan KENJALIN,

ASTANA