Kúresten ÁCh: Qazaq balýandary taǵy úsh júlde aldy

AQSh-tyń Las-Vegas qalasynda ótip jatqan kúres túrlerinen U23 álem chempıonatynda Qazaqstan quramasynyń qorjyny taǵy úsh medalmen tolyqty.

Týrızm jáne sport mınıstrligi Sportty damytý dırekııasynyń sońǵy málimetine qaraǵanda, grek-rım kúresinen 87 kelige deıingi salmaqta synǵa túsken otandasymyz Temirlan Turdaqyn (sýrette) fınalda ırandyq Iasın Álı Iazdımen beldesip, 0:4 esebimen jeńildi. Sóıtip, balýanymyz kúmis medalge ıe boldy.

Sondaı-aq búgin Arsen Juma (-55 kg) úshinshi oryn úshin ótken beldesýde Qyrǵyzstannyń ókili Barsbek Asanqojoevty jeńip, qola júldeger atandy. Taǵy bir sportshymyz Djohar Ýzarov asa aýyr salmaqta Armenııa ókilinen basym túsip, qola medaldi qanaǵat tutty.

Osylaısha, grek-rım kúresinen Qazaqstan komandasy álem chempıonatynda bes júldemen jalpykomandalyq esepte ekinshi orynǵa turaqtady. Osyǵan deıin Aıbek Aıtbekov (-60 kg) pen Iýsýf Ashrapov (-72 kg) chempıon atanǵan edi.

Endi álemdik dodadaǵy beldesýler áıelder kúresimen jalǵasady.

Dastan KENJALIN,

ASTANA